Aktualitet

Arqipeshkvi George Frendo mund COVID19: Një eksperiencë e dhimbshme, falenderoj të gjithë ata që u lutën për mua (MESAZHI)

Imzot Frendo shkruan se eksperienca me virusin ka qenë e dhimbshme ndërsa shton falenderimet për të gjithë ata që i kanë qëndruar afër.
Featured image of article: Arqipeshkvi George Frendo mund COVID19: Një eksperiencë e dhimbshme, falenderoj të gjithë ata që u lutën për mua (MESAZHI) Imzot George Frendo

TIRANË- Arqipeshkvi i Tiranë – Durrës, George Frendo ka fituar betejën me COVID19 dhe premton rikthimin e tij në krye të detyrës. Në një postim në rrjetet sociale, Imzot Frendo shkruan se eksperienca me virusin ka qenë e dhimbshme ndërsa shton falenderimet për të gjithë ata që i kanë qëndruar afër. Një falenderim e ka edhe për krerët kryesorë të politikës në vend.

POSTIMI I PLOTË: 

Falenderoj Zotin se së shpejti do të jem përsëri me grigjen time. Larg grigjes jam ndjerë si kokë pa trup. Gëzohem se mund të vazhdoj të kremtoj kohën e Ardhjes, në përgatitje për Krishtlindjen, bashkë me popullin tim.

Kjo periudhë ka qenë për mua një eksperiencë e dhimbshme. Megjithatë jam ndjerë më afër Jezusit, i cili, nga dashuria e tij për ne, ka pranuar dhimbje për shelbimin tonë. Dhe jam ndjerë më afër atyre që, në këto ditë, po vuajnë nga e njejta sëmundje. Zoti ti forcoftë e ti sheroftë.

Falenderoj përzemersisht të gjithë ata që më kanë qenë pranë që në fillimin e kësaj sëmundjeje, veçanërisht bashkëpuntorët e mi më të ngushtë dhe gjithashtu falënderoj për shërbimin e parë që kam marrë nga strukturat e shërbimit Shëndetësor në vend, veçanërisht në Spitalin “Shefqet Ndroqi”.

Për më shumë bëhu pjesë e grupit më viral në Facebook, Dosja.al

Dëshiroj të falënderoj shumë nga ata që më kanë uruar shërim të shpejtë, ndër të cilët Presidenti i Republikes Z. Ilir Meta, Kryetarin e Kuvendit Z. Gramoz Ruci, Kryetarin e Bashkisë Z. Erjon Veliaj, Z. Lulezim Basha kryetarin e Partisë Demokratike, e shumë e shumë të tjerë!

Falenderoj të gjithë besimtarët që janë lutur për mua. Shpresoj të kremtoj meshën me popullin në Katedrale të dielen me 6 dhjetor.Ju përshëndes përzemërsisht duke ju kujtuar të gjithëve gjithmonë në lutjen time.

+George Frendo, Arqipeshkvi i Tiranë Durrës!

Imzot George Frendo  më datën 13 nëntor u infektua me Covid-19 dhe u dërgua për kurim në spitalin “Acquaviva delle Fonti”, në Miulli (Bari) të Italisë. Disa javë pas trajtimit ai ia doli dhe tashmë është jashtë rrezikut për jetën.

(f.g/dosja.al)

Shto Koment