Aktualitet

‘Mezi pres rastin e parë me koronavirus’/ Mjeku Pëllumb Pipero i kthehet koleges: Asnjë nga ne s’e uron, ka shumë të panjohura, më të rrezikuarit jemi ne (Mesazhi për qytetarët)

  • Areti Beruka: Mezi pres të infektuarin e parë me koronavirus
  • Mjeku Pëllumb Pipero shkruan se asnjë nga mjekët infeksionistë nuk e dëshiron një pacient me SARS-Cov 2 ose të njohur ndryshe si koronavirus.
    Featured image of article: ‘Mezi pres rastin e parë me koronavirus’/ Mjeku Pëllumb Pipero i kthehet koleges: Asnjë nga ne s’e uron, ka shumë të panjohura, më të rrezikuarit jemi ne (Mesazhi për qytetarët) Areti Beruka dhe Pëllumb Pipero

    TIRANË– Deklarata e drejtoreshës së Inspektoratit Shëndetësor Areti Beruka për koronavirusin ka bërë xhiron e rrjetit, pasi ajo është shprehur se mezi priste që në Shqipëri të identifikohej i infektuari i parë. Dosja.al pasqyroi lajmin duke zbardhur prononcimin e Berukës për Report Tv, e cila më tej justifikoi ‘entuziazmin’ me profesionin e mjekes.

    Në një prononcim për Dosja.al, mjeku Pëllumb Pipero shprehet se asnjë nga mjekët infeksionistë nuk e dëshiron një pacient me koronavirus. Mjeku sqaron se beteja me virusin është e vështira dhe me plot të panjohura, ku të eskpozuarit e parë ndaj tij dhe më të rrezikuarit, janë “bluzat e bardha”.

    “Beteja me këtë virus deri tani më shumë të panjohura nuk është e lehtë, madje e vështirë. Personeli shëndetësor që përballet me ketë virus është më i ekspozuari, më i rrezikuari, sepse rasti i PARË është i panjohur dhe më i rrezikshmi, ndaj dhe mjekët janë heronjtë e parë dhe shpesh edhe dëshmorët e parë të kësaj beteje,”-shkruan mjeku.

    Më tej, Pipero ka lënë mënjanë deklaratën e koleges duke përçuar një mesazh tek qytetarët, të cilëve u ka kërkuar që të zbatojnë këshillat e bluzave të bardha pasi nuk ka vend për panik.

    Për më shumë bëhu pjesë e grupit më viral në Facebook, Dosja.al

    KOMENTI I PLOTË:

    Askush nga ne mjeket infeksioniste por dhe me gjere nuk uron dhe nuk deshiron, aq me shume te “mezi presi” te vije rasti i pare me SARS-Cov 2, ndryshe coronavirus i ri ne vendin tone. Beteja me kete virus deri tani me shume te pa njohura nuk eshte e lehte, madje e veshtire. Personeli shendetesor qe perballet me kete virus eshte me i ekspozuari, me i rrezikuari, sepse rasti i PARE eshte i pa njohur dhe me i rrezikshmi, ndaj dhe mjeket jane heronjte e pare dhe shpesh edhe deshmoret e pare te kesaj beteje. Urime per kolegen qe e ka mare me sportivitet, por nga zyra eshte gjithmone e lehte!!! Per qytetaret dua te them se ka vend per kujdes, te zbatojne ato keshilla qe ju japim per dite, nuk ka vend per panik. Eshte e vertete qe gripi sezonal, vecanerisht AH1N1 eshte shume here me i rrezikshem deri tani sesa Cov-19, por ky i fundit ka ende shume te pa njohura, per me teper ndaj tij ende nuk kemi nje vaksine apo medikament efektiv antiviral!

    Koronavirusi po përhapet me shpejtësi në Europë. Në Itali deri në tani janë shënuar 12 viktima dhe 322 persona janë infektuar, ndërkohë nurmi i këtyre të fundit po rritet nga ora në orë. Mes të infektuarve është edhe një fëmijë. Ndërkohë harta e koronavirusit po zgjerohet, pasi një rast është konfirmuar në Kroaci, një në Greqi dhe dy raste në Austri. Nga ana tjetër, koronavirusi po vijon të marrë jetë njerëzish në Kinë dhe vende të tjera, ku mësohet se në rang global janë regjistruar 2.700 të vdekur dhe mbi 80.000 të infektuar. Në Shqipëri nuk ka asnjë rast të konfirmuar me koronavirus.

    (k.m/dosja.al)

    Shto Koment