Aktualitet

Ardi Veliu pret Krerët e Hetimeve Kriminale në DASH: Bashkëpunimi kundër krimit dhe terrorizmit

Kjo vizitë u bë në kuadër të bashkëpunimit të Zyrës së Hetimeve Kriminale ne Departamentin e Shtetit dhe Policisë së Shtetit.
Featured image of article: Ardi Veliu pret Krerët e Hetimeve Kriminale në DASH: Bashkëpunimi kundër krimit dhe terrorizmit Takimi i Ardi Veliut me Krerët e DASH

Drejtori i Përgjithshëm i Policisë së Shtetit Ardi Veliu ka pritur sot në një takim zyrtar Krerët e Hetimeve Kriminale në DASH. Kjo vizitë u bë në kuadër të bashkëpunimit të Zyrës së Hetimeve Kriminale ne Departamentin e Shtetit dhe Policisë së Shtetit.

Shefen e Departamentit të Hetimeve Kriminale të Shërbimit të Sigurisë Diplomatike në DASH, Karen Riley, ishte e shoqëruar nga Antonio Zamudio, Shef për Hetimet Kriminale në Zyrën Rajonale të Sigurimit në Ambasadën e SHBA-së në Tiranë dhe Chuck Harrison, Agjent Federal për Hetimet Kriminale për Ballkanin.

Drejtori i Policisë së Shtetit Ardi Veliu u shpreh se falë këtij bashkëpunimi është bërë e mundur finalizimi i shumë operacioneve të rëndësishëm policor.

Bashkëpunimi është çelësi i suksesit, pasi shpesh mund të kemi dëshirë e vullnet, por pa bashkëpunim dhe mbështetje nuk mund të ketë sukses. Falë këtyre dy komponentëve u bë i mundur finalizimi i dy operacioneve shumë të suksesshme “One If – By Land”, në kuadër të goditjes së kontrabandimit të personave me qëllim emigrimin drejt SHBA-së, Kanadasë dhe Mbretërisë së Bashkuar dhe operacioni policor “Rruga e gabuar”, ku u godit grupi kriminal me 36 anëtarë të dyshuar. Policia e Shtetit e ka prioritet kryesor bashkëpunimin me partnerët, e sidomos me ata strategjikë. Ne jemi të vendosur në luftën kundër krimit të organizuar dhe terrorizmit, dhe kur kemi mbështetje e bashkëpunime të tilla, pa asnjë diskutim që rezultatet janë vetëm pozitive,”– tha Veliu.

Shefi për Hetimet Kriminale në Zyrën Rajonale të Sigurimit në Ambasadën e SHBA-së në Tiranë u shpreh se tashmë Policia e Shtetit ka fituar besimin e DASH, për mënyrën se si vepron në operacionet policore.

Për më shumë bëhu pjesë e grupit më viral në Facebook, Dosja.al

“Jam i bindur që askund nuk mund ta gjej këtë nivel bashkëpunimi si në nivel lidershipi, ashtu edhe në nivel operacional. Do të vazhdojmë në rrugën e nisur, pasi tashmë Policia e Shtetit ka fituar besueshmërinë tonë dhe ka mbështetjen e plotë në luftën kundër krimit të organizuar dhe terrorizmit,”- nënvizoi z.Antonio Zamudio.

Ndërkohë zonja Riley premtoi mbështetjen e saj në vijim për Policinë Shqiptare.

Në Departamentin Amerikan të Shtetit, janë në dijeni të operacioneve të suksesshme që janë zhvilluar në Shqipëri. Në emër të tyre ju them faleminderit. Vlerësoj shumë marrëdhënien dhe bashkëpunimin që keni me oficerin tonë, marrëdhënie e cila është një nga më të mirat, në të gjitha vendet e tjera. Do keni mbështetjen tonë edhe në të ardhmen në të gjitha drejtimet,”- përfundoi znj. Karen Riley.

(f.m/dosja.al)

Shto Koment