Aktualitet

Arben Ndoka kërkon zëvendësim mase, dërgon avokatin Maks Haxhia në seancë, GJKKO-ja: Duhet të vish vetë

Ndërkohë, Gjykata deklaroi se ish-deputeti Ndoka duhet të jetë vetë i pranishëm, ose të japë prokurorën për të kërkuar zëvendësim mase.
Featured image of article: Arben Ndoka kërkon zëvendësim mase, dërgon avokatin Maks Haxhia në seancë, GJKKO-ja: Duhet të vish vetë Arben Ndoka

TIRANË– Arben Ndoka, ish-deputeti i Partisë Socialiste që u vu në pranga gjatë operacionit të policisë “Volvo 4” ka kërkuar që gjykata të ndryshojë masën për të nga “arrest shtëpie”, në “detyrim paraqitjeje”. Kërkesa është depozituar nga avokati i Ndokës, Maks Haxhia pranë GJKKO.

Ndërkohë, Gjykata deklaroi se ish-deputeti Ndoka duhet të jetë vetë i pranishëm, ose të japë prokurorën për të kërkuar zëvendësim mase.

Arben Ndoka aktualisht nën masën arrest shtëpie. Ai u arrestua në tetor të vitit 2018. Ndoka akuzohet për gjatë “falsifikim dokumentesh” dhe “tjetërsim pronash”.

Si u zbulua ish-deputeti dhe operacioni “Volvo 4”

Për më shumë bëhu pjesë e grupit më viral në Facebook, Dosja.al

Më 21 tetor 2018, Policia zhvilloi një operacion të koduar si “Volvo 4”, ku u arrestuan edhe dy ish-deputetët Arben Cuko dhe Ndoka.  Gjithçka u zbulua nga hetimet e prokurorisë për vëllain e Arben Ndokës, Gjevi Ndoka, si i lidhur me Avdylajt e Shijakut, të cilët akuzohen për trafik droge dhe porositës të heroinës së laboratorit të Hasit.

Ndërsa Arben Çuko u vendos në pranga krejt rastësisht, teksa në hetim dhe përgjim ishin pjesëtarët e një grupit të Shijakut. Në këto përgjime u ndanë dhe u krijua një tjetër dosje, në të cilën vëllezërit Avdylaj komunikonin me kryetarin e bashkisë Durrës, Vangjush Dako, dhe të tjerë zyrtarë të PS, ku diskutohej për rezultatin e PS në Durrës përgjatë vitit 2017. Përgjimet u botuan pranverën e këtij viti nga gazeta gjermane BILD.

Ato shkaktuan një “tërmet” politik në Shqipëri që solli ‘djegien’ e Vangjush Dakos nga SHBA. Kryeministri Edi Rama, i ka quajtur këto përgjime si shkëputje nga konteksti, duke arsyetuar se akuzat e PD bazohen vetëm tek një “Alo Niçe”, alibi kjo që u përdor edhe sot nga Astrit Avdylaj në gjykatë.

(f.m/dosja.al)

Shto Koment