Sociale

ArabNews për Shqipërinë: Ramazani i mbajtur në pandemi ringjall kujtimet e komunizmit

Në shkrim analizohet sesi besimtarët mysliman mundohen që të mbajnë agjerimin dhe sesa ndryshe duket ky ritual i përvitshëm i ndikuar nga koronavirusi, ku në shumë besimtarë ka ringjallur kujtimet e periudhës komuniste ku praktikimi i fesë ishte i ndaluar.
Featured image of article: ArabNews për Shqipërinë: Ramazani i mbajtur në pandemi ringjall kujtimet e komunizmit Foto Ilustruese

TIRANË– E përditshmja ArabNews i ka kushtuar një artikull situatës së pandemisë në vendin tonë, rregullave anti-COVID si dhe ndikimit që kanë mbi muajin e Ramazanit.

Në shkrim analizohet sesi besimtarët mysliman mundohen që të mbajnë agjerimin dhe sesa ndryshe duket ky ritual i përvitshëm i ndikuar nga koronavirusi dhe rregullat ndaj tij, ku në shumë besimtarë ka ringjallur kujtimet e periudhës komuniste ku praktikimi i fesë ishte i ndaluar.

Shkrimi i plotë:

Të mbërthyer në banesën e tyre në Tiranë nën një bllokim të koronavirusit, 81-vjeçari Osman Hoxha dhe familja e tij shënuan në heshtje fillimin e Ramazanit, duke kujtuar epokën komuniste kur praktikimi i fesë do të thoshte rrezikimi i vdekjes. Ashtu si shumë pjesë të botës, xhamitë në Shqipërinë me shumicë myslimane janë shumë të zbrazëta ndërsa tryezat e darkës së iftarit kanë më pak karrige se normalisht pasi familjet strehohen në shtëpi për të frenuar përhapjen e virusit, thekson shkrimi.

Për brezat e vjetër, mjediset intime në mënyrë të pashmangshme ngjallin kujtime se si ata u detyruan të mbanin gjallë besimin e tyre nën mbretërimin e gjatë dhe brutal të diktatorit të ndjerë komunist Enver Hoxha, i cili nxori jashtë ligjit fenë.

“Duhej të luteshim pas mureve të shtëpive tona nga frika se mos përfundonim në burg ose mos të dënoheshim me vdekje,“- kujton Osman, i veshur me një kapelë të zezë dhe jelek gri, pas ditës së parë të agjërimit në shtëpinë e tij në Tiranë.

Dekada më vonë, vendi përballet me një lloj tjetër armiku.

Për më shumë bëhu pjesë e grupit më viral në Facebook, Dosja.al

“Gjatë komunizmit ne duhet të mbanin agjërim në mënyrë të fshehtë, sepse në qoftë se dikush na shihte kjo mund të na kushtonte jetën tonë, ndërsa sot rreziku na vjen nga një virus që mund të na vrasë”,- thotë guaja e Osmanit, Minirja 74 vjeç.

Diktatori Enver Hoxha,  mbiemrin e të cilit e ka dhe familja Osmanit ndante moton marksiste se feja ishte “opiumi i njerëzve” dhe e shpalli Shqipërinë vendin e parë ateist në botë në 1967. Nën pushtetin e tij 40-vjeçar, qindra xhami dhe kisha u shkatërruan ose u transformuan, dhjetëra priftërinj dhe klerikë myslimanë u dënuan me punë të rëndë dhe shumë të tjerë vdiqën në burg ose u vranë nga skuadra e pushkatimit.

Në total, rreth 6,000 njerëz u ekzekutuan nga regjimi paranojak për krime të pretenduara duke filluar nga tradhëtia te udhëtimet e huaja ose praktikimi i një besimi. Dhjetëra mijëra të tjerë u dërguan në burgje ose kampe për punë të detyruar ose internim.

Në shkrim theksohet se Osmani si i ri në vitet 1960, u detyrua të punonte në një gurore pasi vëllai i tij u largua nga vendi, duke sjellë dyshime për pjesën tjetër të të afërmve të tij.
Por familja megjithatë ushqeu besimin e tyre, duke praktikuar Islamin në fshehtësi derisa shtëpitë e adhurimit të ishin në gjendje të rihapeshin në 1990, pak para se të shembej komunizmi.

Vendi që atëherë ka parë një ringjallje fetare. Më shumë se gjysma e 2.8 milion banorëve identifikohen si myslimanë, kryesisht të një grupi të moderuar, ndërsa rreth 30 përqind janë të krishterë katolikë dhe ortodoksë.

Në dekadat e fundit, familja e Osmanit ka festuar vaktin e iftarit me rreth 20 vetë në tryezën e tyre të darkës. Këtë vit grupi është në shtatë, mes tyre gjyshërit, djali i tyre Agron dhe gruaja dhe fëmijët e tij.

(d.a/dosja.al)

Shto Koment