Politike

Anulimi i tenderave që s’kanë lidhje me COVID-19, Basha: Masë e marrë pas presionit të opozitës, duhet të kthehet në vendim qeverie

VIDEO
Basha tha se kjo është një masë që mirëpritet nga opozita, por është një vendim i marrë me vonesë.
Featured image of article: Anulimi i tenderave që s’kanë lidhje me COVID-19, Basha: Masë e marrë pas presionit të opozitës, duhet të kthehet në vendim qeverie Lulzim Basha

TIRANË- Kreu i Partisë Demokratike ka komentuar sot vendimin e Agjencisë së Prokurorimit Publik, e cila ka vendosur që të anulojë të gjthë tenderat që nuk kanë lidhje me situatën e COVID-19. Basha tha se kjo është një masë që mirëpritet nga opozita, por është një vendim i marrë me vonesë.

Kreu i opozitës u shpreh më tej se anulimi i tenderave erdhi pas presionit të opozitës dhe sipas tij duhet të kthehet në vendim qeverie dhe fondet të shkojnë për përballimin e pandemisë.

Prej më shumë dy javësh i kam kërkuar qeverisë të anullojë çdo procedurë prokurimi që nuk lidhet me emergjencën dhe me menaxhimin e situatës së krijuar nga COVID -19. Sot mësuam jo zyrtarisht nga faqja e Agjencisë së Prokurorimeve Publike, APP, që qeveria ka vendosur anullimin e prokurimeve.  Së pari, dua të uroj që ky të jetë një lajm i vërtetë. Ndonëse një vendim i vonuar, më mirë vonë sesa kurrë Së dyti, dua t’i kërkoj qeverisë, që bën njoftime zyrtare për çështje shumë më të vogla se kjo që, këtë njoftim të APP, ta kthejë menjëherë në vendim qeveritar të qartë dhe të prerë.

Për më shumë bëhu pjesë e grupit më viral në Facebook, Dosja.al

 Sot emergjenca është dedikimi i çdo fondi për të menaxhuar situatën shëndetësore dhe ekonomike, e cila sa vjen dhe rëndohet. Kërkesa e opozitës që mori mbështetjen e shmicës së shqiptarëve sot është kthyer në një njoftim të Agjencisë së Prokurimeve Publike dhe thirrja ime është që të kthehet menjëherë në një vendim qeveritar. Tenderat e panevojshëm, tenderat abuzive të cilat nuk shkojnë në drejtim të shëndetësisë, të mbështetjes së familjeve në nevojë dhe të mbështetjes së ekonomisë shqiptare duhet të anullohen me një vendim të qartë dhe të prerë qeverie”, u shpreh Basha.

Kjo deklaratë e Bashës është bërë gjatë një konference me gazetarët, ku ka komentuar masat e marra nga qeveria kundër koronavirusit. Ndërkohë COVID-19 po vijon të përhapet dhe numri i personave të infektuar në vendin tonë ka shkuar në 259, ndërkohë që 15 persona kanë ndërruar jetë. 67 persona janë të shëruar. Harta e rasteve është zgjeruar tashmë në 17 qytete, ku mbizotërojnë 129 raste në Tiranë, 26 në Durrës 23 në Fier dhe 15 në Korçë. Qytetet e tjera kanë nga 1-5 raste. Aktualisht janë 79 pacientë të shtruar. 7 prej tyre janë në terapi intensive ndërsa 4 nga këta janë të intubuar.

(A.B. Dosja.al)

Shto Koment