Aktualitet

Siguria aprovon projekt-ligjin për amnistinë, ja kategoritë që përfitojnë/ Gjonaj: E bëjmë për gratë dhe fëmijët

  • Gjonaj: S’na la tërmeti të aplikonim regjimin 41 bis për të fortët
  • Nga ky projektligj do të përfitojnë 56 gratë e burgosura, 6 fëmijë të mitur, burra të dënuar deri në dy vite dhe në moshën mbi 60 vjeç. Pritet që të miratohet edhe nga Kuvendi.
    Featured image of article: Siguria aprovon projekt-ligjin për amnistinë, ja kategoritë që përfitojnë/ Gjonaj: E bëjmë për gratë dhe fëmijët

    TIRANE-Komisioni i Sigurisë Kombëtare ka miratuar projekt-ligjin për dhënien e Aministisë për të dënuarit, draft ky, i miratuar nga qeveria në fund të vitit 2019.  Tashmë i ngelet vetëm Kuvendit, që të bëjë miratimin që amnistia të hyjë në fuqi. projektligj të kalojë në komision, duhet të miratohet në Kuvend. Ministrja e Drejtësisë Etilda Gjonaj u shpreh se do të pëfitojnë  56 persona: gratë e burgosura, 6 fëmijë të mitur, burra të dënuar deri në dy vite dhe në moshën mbi 60 vjeç. Ajo theksoi se 28 gra do të lirohen direkt, ndërsa 28 të tjera do të përfitojnë 1/3 e uljes së dënimit. Gjonaj tha se kjo amnisti bëhet për gratë dhe fëmijët e mitur, dhe jo për shpopullimin e burgjeve, siç akuzohet nga opozita. “Amnistia e dënimit është akti që shpreh vullnetin shtetëror dhe për nga fryma e ligjit. Qëllimi parësor i kësaj amnistie janë gratë dhe të miturit. Kjo kategori kërkon një tjetër mundësi për rehabilitim. Janë marrë parasysh veprat penale për të cilat ashpërsia e dënimit nuk ka qenë e madhe. U ndala të sqaroj se pse këto dy kategori kanë qenë në fokusin kryesor. Në disa raste në opinion publike është parë se mund të ketë dhe elemente diskriminues, për faktin që është ndjekur për këto kategori.”, tha ministrja Gjonaj.

    Kategoritë që përfitojnë janë:

    1. Amnistohen personat e dënuar meshkuj me vendim gjyqësor të formës së prerë, me burgim deri në 2 vjet ose çdo lloj dënimi tjetër më të butë, duke përfshirë gjobën, pezullimin e dënimit me burgim ose çdo lloj dënimi tjetër alternativ, për dënime të dhëna,deri në datën 30.09.2019, pavarësisht nga koha e mbetur nga dënimi.

    2. Amnistohen personat e dënuar femra dhe të mitur me vendim gjyqësor të formës së prerë, me burgim deri në 3 vjet ose çdo lloj dënimi tjetër më të butë, duke përfshirë gjobën, pezullimin e dënimit me burgim ose çdo lloj dënimi tjetër alternativ, për dënime të dhëna deri në datën 30.09.2019, pavarësisht nga koha e mbetur nga dënimi.

    3. Amnistohen personat e dënuar meshkuj me burgim, të cilëve, deri në datën e hyrjes në fuqi të këtij ligji, u kanë mbetur pa vuajtur nga ky dënim deri në 2 vjet.

    Për më shumë bëhu pjesë e grupit më viral në Facebook, Dosja.al

    4. Amnistohen personat femra dhe të mitur të dënuar me burgim, të cilëve, deri në datën e hyrjes në fuqi të këtij ligji, u kanë mbetur pa vuajtur nga ky dënim deri në 3 vjet.

    5. Amnistohen personat e dënuar femra, që, në datën e hyrjes në fuqi të këtij ligji, janë baras ose mbi moshën 50 vjeç.

    6. Amnistohen personat e dënuar meshkuj, që, në datën e hyrjes në fuqi të këtij ligji, janë baras ose mbi moshën 60 vjeç.

    7. Amnistohen personat e dënuar me burgim, të cilët, në kohën e kryerjes së veprës penale, kanë qenë baras ose nën moshën 18 vjeç.

    8. Të gjithë të dënuarve femra dhe të mitur që nuk plotësojnë kriteret për të përfituar amnisti, sipas paragrafëve 2, 4, 5 dhe 7 të këtij neni, u zbritet 1/3 e dënimit të mbetur, pavarësisht kritereve ndaluese të parashikuara në nenin 4, të këtij ligji. Nuk përfitojnë sipas këtij paragrafi, personat e dënuar përsëritës të së njëjtës vepër penale.

    (J.V:F.G/ Dosja.al)

    Shto Koment