Aktualitet

Përzgjedhja e 60 agjentëve të “FBI-së” shqiptare/ Ambasadorja Yuri Kim takim me Arben Krajën dhe Aida Hajnaj, të pranishëm edhe ekspertët amerikanë

Mëngjesin e kësaj të marte, drejtuesi i SPAK Arben Kraja dhe drejtuesja e Byrosë Kombëtarë të Hetimit Aida Hajnaj kanë pritur në takim ambasadoren Kim. Në fokus të këtij takimi është përzgjedhja e 60 agjentëve të "FBI-së" shqiptare. Të pranishëm në këtë takim janë edhe ekspertët amerikanë.
Featured image of article: Përzgjedhja e 60 agjentëve të “FBI-së” shqiptare/ Ambasadorja Yuri Kim takim me Arben Krajën dhe Aida Hajnaj, të pranishëm edhe ekspertët amerikanë Arben Kraja, Aida Hajnaj dhe Yuri Kim

TIRANË- Mëngjesin e sotëm drejtuesi i SPAK, Arben Kraja dhe drejtuesja e Byrosë Kombëtarë të Hetimit Aida Hajnaj kanë pritur në një takim ambasadoren e SHBA-së, Yuri Kim.

Mësohet se në fokus të këtij takimi është përzgjedhja e 60 hetuesve të FBI-së shqiptare, (BKH), të cilët do të kenë akses në sistemet e informacionit, dosjet dhe të gjitha të dhënat e administruara nga degët e shtetit shqiptar, përfshirë çdo drejtori dhe nëndegë të saj, në kuadër të hetimit të veprave penale në kompetencë të SPAK.

Po kështu, në këtë takim janë të pranishëm edhe  ekpertë të FBI-së, të cilët do të merren me përzgjedhjen e agjentëve shqiptarë.

Për më shumë bëhu pjesë e grupit më viral në Facebook, Dosja.al

Ndërkohë, SPAK ka në dorë 18 procedime penale, të cilat janë për korrupsion dhe tendera fiktivë. Një nga çështjet e bujshme është edhe ajo e sekuestrimit të pronave të biznesmenit Ylli Ndroqi. Më herët, për këto hetime ambasadorja Yuri Kim mbështeti punën e bërë nga SPAK, ku theksoi e ka ardhur koha të bëjnë punën e saj pa ndikime dhe kërcënime.

J.V/Dosja.al 

Shto Koment