Rajoni

Ambasadori Kosnett ‘bekon’ Qeverinë e re, darkon me Abin Kurtin dhe Vjosa Osmanin (FOTO)

Kryeministri i mandatuar i Kosovës, Albin Kurti, është shprehur se bashkëpunimi me amerikanët nderon Shtetin dhe kombin.
Featured image of article: Ambasadori Kosnett ‘bekon’ Qeverinë e re, darkon me Abin Kurtin dhe Vjosa Osmanin (FOTO) Darka me ambasadorin amerikan në Kosovë, Philip Kosnett

KOSOVË- Ambasadori amerikan në Kosovë, Philip Kosnett mbrëmjen e djeshme ka mbledhur në kuadër të përvjetorit të Marinsave, liderin e Vetëvendosjes Albin Kurti dhe kandidaten për kryeministre nga LDK, Vjosa Osmani.

Kryeministri i mandatuar i Kosovës, Albin Kurti, është shprehur se bashkëpunimi me amerikanët nderon Shtetin dhe kombin.

Një mbrëmje e këndshme për mua e Ritën, të mirëpritur nga Ambasada e ShBA-së me rastin e përvjetorit të 244-të të krijimit të trupës ushtarake të marinsave. Me ShBA-të do të bashkëpunojmë që të kemi edhe ne trupat tona ushtarake të specializuara, që do të nderojnë kombin dhe aleatët tanë, sa herë ta kërkojë nevoja”, thekson Kurti.

Në darkën e Kosnett kanë munguar liderët tjerë të Kosovës, por nuk mund të mungonte Vjosa Osmani, e cila pritet të jetë pjesë e Qeverisë së re VV-LDK.

Ambasadori amerikan ka apeluar disa herë që, Qeveria e re e Kosovës të nisë punën sa më shpejt në mënyrë që institucionet e reja të merren me zgjidhjen e problemeve të qytetarëve.

Ditën e nesërme pritet të merret vendimi për certifikimin e zgjedhjeve dhe hapjes së rrugës për krijimin e Qeverisë së re.

(a.m/dosja.al)

Shto Koment