Rajoni

Ambasada e SHBA “godet” politikanët e Kosovës: Nuk ka më viza për të korruptuarit

Ambasada ka përmendur me emër rastet Pronto, rastin e vizave italiane, ikjen nga burgu i Dubravës,  rastin Toka, dhe Apex
Featured image of article: Ambasada e SHBA “godet” politikanët e Kosovës: Nuk ka më viza për të korruptuarit Ambasada e SHBA në Kosovë

KOSOVË- Ambasada e SHBA në Prishtinë, me anë të një njoftimi për mediet ka bërë më dije se  personat që janë përfshirë në raste korrupsioni nuk do mundet më që të udhëtojnë drejt Amerikës.

Ambasada ka përmendur me emër rastet Pronto, rastin e vizave italiane, ikjen nga burgu i Dubravës,  rastin Toka, dhe Apex, si dhe në raste të tjera të ngjashme. Ky institucion shprehet se qytetarët e Kosovës meritojnë një sistem drejtësie që mbanë individët përgjegjës për veprimet e tyre korruptuese.

Lidhur me këtë, Ambasada e SHBA-ve është duke ndërmarrë hapa për të siguruar që individëve të cilët janë të përfshirë në rastet e mëdha të korrupsionit të mos ju lëshohen vizat për udhëtim në Shtetet e Bashkuara për biznes apo turizëm”, shtohet në njoftim.

Ambasada amerikane po ashtu bën të ditur se është praktikë e zyrtarëve konsullorë që të shqyrtojnë faktet për çdo aplikim për vizë, duke përfshirë edhe çdo informatë negative lidhur me aplikuesin, dhe që të përcaktojnë përshtatshmërinë për marrje të vizës në bazë të ligjeve të SHBA-ve. Sipas nevojës, ne vazhdimisht i peshojmë akuzat dhe dëshmitë për korrupsionin dhe krimin e organizuar gjatë vendimmarrjes për viza, në mënyrë që t’i kufizojmë ata që kontribuojnë në këto probleme nga marrja e vizave për udhëtim në Shtetet e Bashkuara.

“Ne do të vazhdojmë të shprehim publikisht shqetësimin tonë se askush nuk është duke u mbajtur përgjegjës, përfshirë zyrtarë të Kosovës, për korrupsionin dhe krimin e organizuar që janë qartësisht prezente në rastet Pronto, viza italiane, ikja nga burgu i Dubravës, Toka, dhe Apex, si dhe në raste të tjera të ngjashme”, theksohet në komunikatë.

(A.B. Dosja.al)

Shto Koment