Politike

Aludimet për përplasje/ Luan Rama në krah të Kryemadhit në Vlorë: Janë përpjekur të na përçajnë por nuk ia kanë dalë

VIDEO
Përplasjen e deklaroi edhe kryeministri Edi Rama. Gjatë një interviste me Ylli Rakipin, Rama tha se presidenti Ilir Meta e ka "pushkatuar" politikisht Luan Ramën. 
Featured image of article: Aludimet për përplasje/ Luan Rama në krah të Kryemadhit në Vlorë: Janë përpjekur të na përçajnë por nuk ia kanë dalë Monika Kryemadhi dhe Luan Rama

VLORË- Kryetarja e Lëvizjes Socialiste për Integrim Monika Kryemadhi u shfaq sot në Vlorë, krah numrit 1. të kësaj liste, Luan Rama. Pas zërave për përçarje, Kryemadhi dhe Rama u shfaqën krah njëri-tjetrit, duke përgënjeshtruar aludimet për përplasje.


“Vlora e bukur! Vlora e zemrës së Shqipërisë është sot këtu e gjitha e bashkuar, nën flamurin e Shqipërisë. E nderuar kryetare e LSI-së Monika Kryemadhi Mirë se ke ardhur në Vlorë, dhe ne jemi sot të gjithë bashkë, me zemër e me shpirt të vendosur për fitoren e LSI-së. Jam më i emocionuari nga të gjitha. Jam sot bashkë me ju për të konfirmuar një punë të jashtëzakonshme, me pasion e vendosmëri që kemi bërë në 7 muaj për ta ringritur LSI-në nga e para me djem e vajza të mrekullueshme. Jam këtu për të konfirmuar se e gjithë lista është mishërimi i kohezionit shoqëror, dhe mbi të gjitha i pasionit për ti shërbyer Vlorës dhe Shqipërisë, vetëm me synimin që Shqipëria është e para. Jam njëri nga 12 emrat, i barabartë mes të barabartëve në listën e LSI”, tha Luan Rama.

“Na kanë sulmuar, na kanë përgojuar, janë përpjekur të na poshtërojnë e përçajnë por nuk ia kanë dalë dhe nuk do ia dalin sepse LSI nuk është parti emrash, është parti zemrash”, theksoi ai.

Përplasjen e deklaroi edhe kryeministri Edi Rama. Gjatë një interviste me Ylli Rakipin, Rama tha se presidenti Ilir Meta e ka “pushkatuar” politikisht Luan Ramën.

Për më shumë bëhu pjesë e grupit më viral në Facebook, Dosja.al

“Metën President e kanë zgjedhur votat e tij dhe të PS patjetër. Nëse PS do t’i kishte votat nuk do të zgjidhte atë President. Ishte zgjedhja më e mirë për opozitën, por unë nuk e dija që do vinte puna deri në këtë pikë, që me prapa veprim dhe me prapamendim pushkaton Luan Ramën në Vlorë. Iku Luan Rama, u pushkatua. Luan Rama u pushkatua politikisht me pushkë druri u ekzekutua”, tha Rama.

Por cila është arsyeja?

Media pranë qeverisë kanë pretenduar se shkak për këtë përplasje të aluduar është fakti se drejtuesi politik i PS në Vlorë, Damian Gjiknuri kishte marrë garanci nga LSI-ja në Vlorë se do të fitojë mandatin e 9-të pa garë.

(F.g/dosja.al)

Shto Koment