Politike

Aleatët e Bashës mblidhen në Shkodër: Pa opozitën s’ka zgjedhje

Dashamir Shehi, Nard Ndoka, Fatmir Mediu, Vangjel Dule dhe Agron Duka nga Shkodra kanë theksuar se pa opozitën nuk ka zgjedhje.
Featured image of article: Aleatët e Bashës mblidhen në Shkodër: Pa opozitën s’ka zgjedhje Aleatët e PD-së në Shkodër

Tiranë- Ditën e sotme aleatët e PD-së Dashamir Shehi, Nard Ndoka, Fatmir Mediu, Vangjel Dule dhe Agron Duka ishin në Shkodër ku zhvilluan një takim atje me strukturat dhe simpatizantët e partive që drejtojnë.

Krerët e partive opozitare, me qëndrimin e unifikuar për zgjedhje të lira dhe të ndershme,  kanë sqaruar arsyet përse kanë ndërmarrë këtë nismë dhe kanë njohur mbështetësit e tyre me ‘Platformën për Marrëveshje Kushtetuese’ me 12 pika, dhe kanë siguruar se në 30 qershor, zgjedhje pa opozitën, ‘nuk duhet, nuk mund dhe nuk do të ketë’.

Në fjalën e tij Mediu theksoi se nuk kemi një shtet që zbaton dhe respekton Kushtetutën, por jemi shndërruar në një Republikë të Kryeministrit dhe kjo nuk duhet të lejohet.

Për më shumë bëhu pjesë e grupit më viral në Facebook, Dosja.al

“Nuk kemi një shtet që zbaton dhe respekton Kushtetutën, por jemi shndërruar në një Republikë të Kryeministrit. Nuk kemi pushtet gjyqësor funksional. Problemi i dytë i madh që kemi ne janë liritë politike, në momentin kur qytetarët nuk janë të lirë për të votuar, për të përcaktuar me votën e tyre se kush është e ardhmja e fëmijëve të tyre, e familjeve të tyre, e Shkodrës dhe mbarë Shqipërisë, atëherë ne nuk kemi bërë as më shumë e as më pak, por jemi kthyer në një lloj sistemi autoritar, të ngjashëm me diktaturën, ku vendoset çdo gjë nga një grup njerëzish politik. Prandaj, kemi propozuar një sistem proporcional, kombëtar apo rajonal, me lista të hapura. Do të ishte një zhvillim pozitiv për politikën dhe kthimin e kushtetutshmërisë në Kuvendin e Shqipërisë.”theksoi kreu i PR, Fatmir Mediu.

Vendi ndodhet në një krizë politike. Nesër Edi Rama do të zhvillojë mitingun për hapjen e fushatës. Të dielën është protesta e radhës kombëtare e opozitës.

J.V/Dosja.al

Shto Koment