Rajoni

Albin Kurti jep mesazhin e parë si kryeministër: Punët e vështira që na presin më shtojnë vullnetin

  • Vetëvendosja fiton zgjedhjet në Kosovë/ Albin Kurti flet si kryeministër: Ftoj për koalicion Vjosa Osmanin (REZULTATET)
  • Kurti shprehet se erdhi koha për t'u marrë me punët e vështira që sipas tij ia shtojnë vullnetin. Nuk kanë munguar nga ana e tij edhe falënderimet për ata që e votuan.
    Featured image of article: Albin Kurti jep mesazhin e parë si kryeministër: Punët e vështira që na presin më shtojnë vullnetin Albin Kurti

    Kosovë- Albin Kurti, kreu i Lëvizjes Vetëvendosjes në Kosovë, i cili mori në zgjedhje numrin më të madh të votave ka reaguar sërish. Ai ka dhënë për herë të parë mesazhin e tij si kryeministër i Kosovës, duke theksuar se punët e vështira që e presin, i shtojnë vullnetin.

    “Tash, ne duhet të punojmë. Ama sërish bashkë me qytetarët. Kurrë anash apo prapa qytetarëve. Bashkë, gjithnjë. Punët e vështira që na presin vetëm sa ma shtojnë vullnetin. Ato nuk kanë llogari me neve, me juve, me mua. Sepse: Erdhi dita! Ju faleminderit të gjithëve dhe secilit.”, shprehet ai në një postim në Facebook.

    Reagimi i plotë- 

    Mirëmëngjes të dashur qytetarë,

    Prej mbrëmë ka shpresë. Sepse dje pati guxim. Ju votuat masivisht duke bërë që opozita e deridjeshme të korrë fitore bindëse. Ndryshimi ndodhi. Dhe, jo vetëm kaq. Populli vendosi që këtij ndryshimi i prin dhe do t’i prijë Lëvizja VETËVENDOSJE!.

    Të gjithë ju që keni votuar dje u jam falenderues që keni kryer detyrën qytetare e obligimin demokratik në një kohë të vështirë siç është kjo që po kalojmë dhe në një vend të dashur siç është Kosova jonë.

    Për më shumë bëhu pjesë e grupit më viral në Facebook, Dosja.al

    Të gjithë ju që keni votuar për ndryshimin, e sidomos për VETËVENDOSJE!-n, u jam mirënjohës për vetëdijen e lartë dhe ndërgjegjen e thellë për ta shpëtuar republikën tonë nga zvetënimi i mëtutjeshëm.

    Qytetarët folën me votën e tyre. Ata ndërhynë masivisht në skenën politike në mënyrë që drama kosovare e shtetit të kapur të mos ketë fund tragjik. Urtësia e popullit tonë në çastet vendimtare ishte asgjë më pak sesa fantastike.

    Tash, ne duhet të punojmë. Ama sërish bashkë me qytetarët. Kurrë anash apo prapa qytetarëve. Bashkë, gjithnjë. Punët e vështira që na presin vetëm sa ma shtojnë vullnetin. Ato nuk kanë llogari me neve, me juve, me mua. Sepse: Erdhi dita! Ju faleminderit të gjithëve dhe secilit.

    Zgjedhjet e parakohshme në Kosovë u ftuan nga Lëvizja Vetëvendosje e Albin Kurtit. Me 25.81% të votave kryeson Lëvizja Vetëvendosje në Kosovë. Pas saj vjen Lidhja Demokratike e Kosovës me 25,08%, të votave. E treta në garë rendit PDK-ja me 21, 18% të votave. Zgjedhjet u zhvilluan pa asnjë incident.

    J.V/Dosja.al

    Shto Koment