Blog

Alarmi i mjekut të QSUT, Kalo: Paratë u fluturuan, por shëndetin së paku mund ta ruajmë…

Në vitin 1973 u mendua se fruthi u eradikua në Shqipëri, por epidemia e madhe e vitit 1988 si dhe rastet e kësaj sëmundje pas Janarit 2018, reguan se realiteti jo gjithmonë përputhet me dëshirat, nëse nënvlerësohet një sëmundje e tillë ose nëse çalojnë hallkat e parandalimit të saj…
Featured image of article: Alarmi i mjekut të QSUT, Kalo: Paratë u fluturuan, por shëndetin së paku mund ta ruajmë… Mjeku Tritan Kalo dhe fotot e publikuara prej tij (Fruthi)

TIRANË- Përsëritja e një këshille kur ajo është e dobishme, NUKU është aspak e mërzitshme, përkundrazi.…PARANDALIMI dhe vetëm parandalimi i FRUTHIT nëpërmjet imunizimit të popullatës, duke llogaritur edhe ata të imunizuar në mënyrë natyrale nga kalimi i sëmundjes, do të bëjë që numuri i rasteve me këtë sëmundje të vijë duke u ulur dita ditës…

Të flasësh për eradikim kur mbeten detyrimisht xhepa individësh të pa imunizuar dhe kur Fruthi qarkullon sidomos në vendet rreth nesh, në mendimin tim tingëllon si një “tymnajë dhe jo realitet”… Me këmbë në tokë dhe me mëndjen e kthjellët në kokë, besoj se do ti’a dalim mbanë ta kontrollojmë dhe ta kapërcejmë këtë situatë të Fruthit në vendin tonë….DURIM, punë dhe jo nënvlerësim apo alarmim….

Në vitin 1973 u mendua se FRUTHI u eradikua në Shqipëri, POR Epidemia e madhe e vitit 1988 si dhe rastet e kësaj sëmundje pas Janarit 2018, reguan se realiteti jo gjithmonë përputhet me dëshirat, NËSE nënvlerësohet një sëmundje e tillë ose nëse çalojnë hallkat e parandalimit të saj…

ERADIKIMI i Fruthit i paramenduar dhe i reklamuar nga Autoritet Shëndetsore Amerikane për vitin 2015, rezultoj se ishte thjesht një UTOPI….258 raste me Fruth janë deklaruar nga 30 Shtatori 2018 deri në fund të Marsit 2019 vetëm në New York, në këtë qytet-shtet të SHBA.

Edhe OBSH-ja (WHO) që ishte po ashtu optimiste për eradikimin e kësaj sëmundje në rang Botëror në 2025, është shprehur se: “duhet rishikuar një ide e tillë e duhen ndryshuar taktikat për kontrollimin e kësaj sëmundje”….Në mbarë botën, edhe atje ku më parë epidemia mendohej se ishte asgjësuar tërësisht, gjatë 2018-ës virusi i fruthit infektoi mbi 300 mijë persona ose 50 për qind më shumë se vitin e kaluar. Drejtuesja ekzekutive e UNICEF, Henrieta For, thotë se: “74 për qind e rasteve u përqendruan në vetëm 10 vende, ku kryesojnë Ukraina me 30 mijë të prekur, Filipinet me 13 mijë raste por edhe Serbia me 4,300 të tilla. Kjo është një sirenë alarmi. Për këtë sëmundje jashtëzakonisht infektive tani kemi një vaksinë të sigurt, efikase dhe aspak të shtrenjtë që prej dy dekadash shpëton 1 milionë jetë çdo vit. Nëse nuk marrim masa sot, pasojat për brezin e ardhshëm të fëmijëve do të jenë katastrofike”.

NDAJ, ju rikujtoj dhe ju këshilloj qytetarë të këtij vendi se, DUHET të Vaksinoheni nëse nuk jeni të sigurtë për imunizimin ndaj Fruthit, si dhe mos e neglizhoni vaksinimin e fëmijëve tuaj në përputhje me Kalendarin Kombëtar të Vaksinimit…FRUTHI përpos ndërlikimve të tija edhe vret….Shpresoj në mirëkutimin tuaj përsa i përket IMUNIZIMIT pasiv ndaj Fruthit, por edhe të kolegëve të mi për këtë mesazh sensibilizimi si dhe të shtimit të përpjekjeve të tyre, në diagnostikimin e drejtë e në kohë të çdo rasti, DUKE mundësuar uljen e përhapjes së tij……

Shto Koment