Aktualitet

Aksidentoi gardianin e burgut të Peqinit, miku i Çapjave lirohet pa kaluar 24 orë, AKUZA për të plagosurin

Bledar Muça është larguar nga Komisariati pasi i dëmtuari Hekuran Pisha, nuk ka dëmtime që kategorizohen si dëme të rënda, në mënyrë që të plotësohej edhe dosja për plagosje të rëndë.
Featured image of article: Aksidentoi gardianin e burgut të Peqinit, miku i Çapjave lirohet pa kaluar 24 orë, AKUZA për të plagosurin Bledar Muça dhe foto ilustruse

TIRANË– Bledar Muça është liruar ende pa u bërë 24 orë nga Policia e Elbasanit, pasi përplasi me makinë efektivin e burgut të Peqinit, Hekuran Pisha. (Lexo këtu)

Gazetari Elton Qyno raporton se Muça është larguar nga Komisariati pasi i dëmtuari Hekuran Pisha, nuk ka dëmtime që kategorizohen si dëme të rënda, në mënyrë që të plotësohej edhe dosja për plagosje të rëndë.

Ndryshe nga Muça, Pisha akuzohet për “drejtim të mjetit në gjendje të parregullt” dhe është marrë masa e “Detyrimit për t’u paraqitur në prokurori”. Kjo pasi gardiani nuk kishte patent për motorin që po ngiste në momentin kur është aksidentuar me mjetin e Muçës.

Kush është Bledar Muça?

Për më shumë bëhu pjesë e grupit më viral në Facebook, Dosja.al

Muça është dënuar me 2 vite burg nga gjykata e Elbasanit pasi akuzohej se kishte qëlluar me armë ndaj dy efektivëve të Grupit të Operacioneve Speciale në Policisë e Shtetit teksa këta të fundit po mbanin në vëzhgim situatën në lagjen e Çapjave në Elbasan.

Ai njihet si një mik shumë i afër me familjen “Çapja”. Në 2016, ai dhe Florenc Çapja i shpëtuan 2 atentateve, një prej tyre ai i 13 Shkurtit ku mbetën të vrarë Agron Çapja, Eno Bedalli dhe Ardit Sinakolli.

(k.m/dosja.al)

Shto Koment