Aktualitet

I pafat pas kthimit nga Italia/ Shpejtësia i merr jetën muzikantit në Shkozet, vëllai i tij shpëton mrekullisht (EMRI+FOTO)

Aksident i rëndë në Durrës, humb jetën shoferi Erjon Beli, 30-vjeç,shpëton vëllai i tij.
Featured image of article: I pafat pas kthimit nga Italia/ Shpejtësia i merr jetën muzikantit në Shkozet, vëllai i tij shpëton mrekullisht (EMRI+FOTO) Erjon Beli

Durrës- Një aksident i rëndë ka ndodhur në orët e para të mëngjesit të sotëm në Unazën e Shkozës në Durrës ku humbi jetën shoferi 30-vjeçar Erjon Beli.

Mësohet se në aksin rrugor Shkozet-Plepa, në orët e para të mëngjesit mjeti i 30-vjeçarit tip Renault me targa AA477YN me të cilin udhëtonte është përplasur me trafikndarësen e më pas ka dalë nga rruga. Dyshohet se shkak për këtë ngjarje është bërë shpejtësia e madhe me të cilën po udhëtonte viktim, ç’ka ka bërë qa ai të humbasë kontrollin e automjetit. Në këtë makinë ishte edhe i vëllai i viktimës  i cili për fat të mirë nuk ka pësuar asnjë dëmtim.

Ai ishte banor i Kavajës, por vinte në Durrës sepse këndonte në një lokal nate në qytetin bregdetar. Vetëm një ditë më parë ai ishte kthyer nga Italia një ditë më parë ku kishte qenë për të vizituar familjen e tij. Policia dhe grupi hetimor po punojnë për zbardhjen e rrethanave të aksidentit.

Pak ditë më parë ndodhi një tjetër në vendin e quajtur “Ura e Dajlanit”në Durrës, ku humbi jetën Ramazan Bata, i cili u përplas nga dy makina.

Për më shumë bëhu pjesë e grupit më viral në Facebook, Dosja.al

Njoftimi i policisë:

Më datë​ 01.11.2019, rreth orës 00:20, në aksin rrugor Plepa-Shkozet, Durrës, mjeti tip ”Renault”, ka humbur kontrollin dhe është përplasur me trafikndarësen, dhe për pasojë ka humbur jetën drejtuesi mjetit shtetasi E.B., 30 vjeç, banues në Kavajë. Grupi hetimor po vijon punën për përcaktimin e shkakut të aksidentit.

J.V/Dosja.al

Shto Koment