Aktualitet

Nga KESH te AKU, ministri Çuçi prezanton zyrtarisht drejtorin e ri të Ushqimit

Ministri i Bujqësisë ka prezantuar ditën e sotme drejtorin e ri të Autoritetit Kombëtar të Ushqimit.
Featured image of article: Nga KESH te AKU, ministri Çuçi prezanton zyrtarisht drejtorin e ri të Ushqimit Ministri i Bujqësisë, Bledi Çuçi duke prezantuar drejtorin e ri të AKU-së

Ministri i Bujqësisë, Bledi Çuçi ka prezantuar sot drejtorin e ri të Autoritetit Kombëtar të Ushqimit, Agron Hetoja. Në ceremoninë e organizuar me këtë rast merrte pjesë dhe ish-drejtori, Agim Ismaili.

Gjatë fjalës së tij ministri Çuçi vlerësoi punën e bërë deri më tani nga ish-drejtori Ismaili dhe kërkoi prej pasardhësit të tij të vijohet me vendosmërinë për rritjen e sigurisë ushqimore në vend.

Ministri përmendi gjithashtu partneritetin e ri me Bashkimin Europian në fushën e sigurisë ushqimore, projekt që u prezantua një ditë më parë dhe ku AKU-ja do të ketë rol deçiziv në transformimin rrënjësor që synohet t’i bëhet kontrollit të të gjitha hallkave të zinxhirit ushqimor në Shqipëri.

Për më shumë bëhu pjesë e grupit më viral në Facebook, Dosja.al

Çuçi shprehu besimin se nën drejtimin Agron Hetos dhe me asistencën e Autoritetit të Sigurisë Ushqimore në Irlandë dhe homologëve finlandezë, AKU-ja do të hyjë në një fazë transformimi të madh.

Siguria ushqimore mbetet prioritet i punës së Ministrisë së Bujqësisë dhe Zhvillimit Rural dhe gjithë institucioneve të tjera të varësisë. Me rëndësi të madhe këtu është edhe përfshirja e konsumatorëve, ndërgjegjësimi i tyre dhe angazhimi i përbashkët në sfidat, me të cilat ndeshet sot siguria ushqimore, si një komponent i rëndësishëm edhe i sigurisë kombëtare.​

(a.m/dosja.al)

Shto Koment