Politike

Abuzimet seksuale në shkolla/ Besa Shahini sulmon mediat: Do ju luftoj, shfrytëzimi i viktimave për përfitim të vëmendjes është abuzim në vete

  • Boçi: U solle si aktiviste, jo si ministre, lë shumë për të dëshiruar
  • Nesa Shahini sulmon mediet, pasi shprehet se jetët e grave dhe vajzave po shkatërrohen në kazanin mediatik.
    Featured image of article: Abuzimet seksuale në shkolla/ Besa Shahini sulmon mediat: Do ju luftoj, shfrytëzimi i viktimave për përfitim të vëmendjes është abuzim në vete

    TIRANE- Ministrja e Arsimit, Besa Shahini për skandalet seksuale në shkollat e vendit ka  sulmuar mediet, pasi ka theksuar se viktimat janë shfrytëzuar për vëmendje dhe ky është sipas saj një abuzim në vete. Ministrja shprehet se jetët e grave dhe vajzave po shkatërrohen në kazanin mediatik.

    “Dua të nënvizoj edhe një herë: shfrytëzimi i viktimave të abuzimit për përfitim të vëmendjes është abuzim në vete. Ndaj edhe këtë formë të abuzimit do të bëj çmos ta luftoj!”, shprehet ajo ndër të tjera  Ministrja nënvizon se asnjë rast i dhunës dhe abuzimit në shkollat e vendit nuk tolerohet.

    Reagimi i Shahinit në Facebook:

    Shfrytëzimi i viktimave të abuzimit apo neglizhencës, për arsye të tërheqjes së vëmendjes apo vetë-promovimit, është poshtërsi. Po të kishin interesin e të abuzuarve në mendje, nuk do t’i nxirrnin në media me identitet të plotë duke spekuluar me ditë të tëra për detaje të abuzimit. Kam mbi dy vite në Shqipëri që shoh jetët e grave dhe vajzave të shkatërrohen nën peshën e kazanit mediatik, dhe jo vetëm! Të gjithë ne kemi detyrimin të ngrejmë zërin përballë padrejtësisë apo abuzimit dhe të sigurohemi që shkaktarët e dëmit të marrin dënimin e duhur. Por në këtë proces nuk guxojmë të thellojmë dëmin ndaj të dëmtuarit. Asnjë rast i dhunës dhe abuzimit nuk tolerohet! Sidomos në shkollë! Masat e rrepta që kemi ndërmarrë për parandalim dhe dënim e reflektojnë këtë! Dua të nënvizoj edhe një herë: shfrytëzimi i viktimave të abuzimit për përfitim të vëmendjes është abuzim në vete. Ndaj edhe këtë formë të abuzimit do të bëj çmos ta luftoj!

    Për më shumë bëhu pjesë e grupit më viral në Facebook, Dosja.al

    Emisioni “Stop” ka publikuar dëshmi tronditëse që kanë dalë në dritë për abuzimet e mësuesit “zhigolo” të shkollës së mesme artistike “Jakov Xoxa” në Fier, Agron Bego. Emisioni “Stop” transmetoi me zë dhe figurë rrëfime ekskluzive të ish-nxënësve të kësaj shkolle, që implikojnë profesorin e kantos Agron Bego, por edhe disa kolegë të tij, të së njëjtës shkollë. Një javë më parë emisioni “Stop” transmetoi skandalin e mësuesit Agron Bego. Ky i fundit ofrohej të ndihmonte një nxënëse me mungesat, në këmbim të intimitetit. Ai i tregoi se kishte punuar edhe zhigolo në shtëpi publike dhe ishte i të “99-tave”. Pas këtij skandali, ndaj profesorit Bego u mor masa e arrestit “burg pa afat”. Ai u pezullua nga shkolla dhe rasti po hetohet nga prokuroria.

    J.V/Dosja.al

    2 Komente në “Abuzimet seksuale në shkolla/ Besa Shahini sulmon mediat: Do ju luftoj, shfrytëzimi i viktimave për përfitim të vëmendjes është abuzim në vete

    1. Reagimi tipik i komunistave. Asnjehere nuk marrin pergjegjesi apo reagojne per te bere ate qe duhet te bejne, por gjejne fajin te dikush tjeter. Te paafte dhe genjeshtare, historikisht.

    2. Kjo fytyrqene nuk kerkon falje publikut dhe popullit qe e ka vene ne ate detyre qe te kujdeset per brezat dhe te ardhmen e Shqiperise por sulmon popullin. Hiqeni kete ndyresire serbe. 2 MARS

    Shto Koment