Aktualitet

“Abdullain e vrava unë”, Saimir Shera ‘zbërthehet’ para policëve: Nuk duroja dot më, na ngacmonte dhe motrën. E qëllova me kallashnikov

Dosja.al mëson se ai është shprehur se nuk kishte duruar dot faktin, që ky i fundit kishte nisur t’i ngacmonte edhe motrën.
Featured image of article: “Abdullain e vrava unë”, Saimir Shera ‘zbërthehet’ para policëve: Nuk duroja dot më, na ngacmonte dhe motrën. E qëllova me kallashnikov Abdulla Budlla, Arsil e Saimir Shera

TIRANË– Siamir Shera, njëri prej vëllezërve të arrestuar për vrasjen e 71-vjeçarit Abdulla Dublla ka pranuar krimin. Para oficerëve të Policisë ai është shprehur se ka vrarë të moshuarin, pasi e dinte që ai kishte lidhje intime me nënën e tyre.

Dosja.al mëson se ai është shprehur se nuk kishte duruar dot faktin, që ky i fundit kishte nisur t’i ngacmonte edhe motrën. Po ashtu Saimiri ka treguar dhe ngjarjen si ka ndodhur dhe armën me të cilën ka kryer krimin.

Vrasjen e bëra unë. Vëllai më ndihmoi vetëm me transportin. Nuk mund të duroja më. Gjithë fshati e dinte për lidhjen e nënës sime me Avdullain. Prej vitesh fjalët qarkullonin në fshat. Kam ikur nga Shqipëria prej fjalëve. Kur u ktheva u zhvendosa në një shtëpi më vete. Pak ditë më parë mora vesh që Avdullai kishte ngacmuar dhe motrën dhe nuk durova më. Mora kallashnikovin që e kisha të fshehur që në 1997, njoftova vëllain të vinte me makinë dhe sapo e pashë Abdullain tek vendqëndrimi i taksive tek Labidari e qëllova. Pas krimit u largova në Fushë Krujë. Rrugës pashë një kamion me skrap dhe e hodha armën aty”, ka thënë ai.

Për më shumë bëhu pjesë e grupit më viral në Facebook, Dosja.al

Abudlla Budlla, 71 vjeç baba i 3 djemve dhe 1 vajze u ekzekutua pasditen e 3 gushtit në zonën e Fushë Prezës në aksin që lidhet me aeroportin e Rinasit,ku edhe ishte parkuar me mjetin e tij si çdo ditë punë. Ndaj tij u afrua një mjet tip “Volkswagen”, dhe qëlloi me breshëri disa herë duke e lënë të vdekur në vend.

Për vrasjen janë vënë në pranga dy vëllezërit Saimir dhe Arsil Shera, përkatësisht 32 dhe 20 vjeç, të dy banues në Rinas. Saimir Shera ka qënë i dënuar edhe më parë, ndërsa tani të dy akuzohen për veprat penale: “vrasje me paramendim” e kryer në bashkëpunim dhe “Armëmbajtja pa leje”.

(A.B. Dosja.al)

Shto Koment