Aktualitet

‘Prej dy muajsh shkonin në hotel, ngjiteshin edhe tek dhomat’/ Klodiana Lala zbulon DETAJE për vrasjet në Laç: Administratori i dënuar për kokainë në Itali, pret ekstradimin

Gazetarja Klodiana Lala u shpreh se viktimat kishin mbi dy muaj që shkonin në hotel, madje në disa raste ngjiteshin edhe në dhoma për të diskutuar.
Featured image of article: ‘Prej dy muajsh shkonin në hotel, ngjiteshin edhe tek dhomat’/ Klodiana Lala zbulon DETAJE për vrasjet në Laç: Administratori i dënuar për kokainë në Itali, pret ekstradimin Klodiana Lala

TIRANË– Gazetarja Klodiana Lala, ka treguar detaje të reja lidhur me vrasjen e dyfishtë të ndodhur në hotelin “A&A” në Laç, ku humbën jetën Paulin Gjergji dhe Bujar Lika.

Ajo u shpreh se viktimat kishin mbi dy muaj që shkonin në hotel, madje në disa raste ngjiteshin edhe në dhoma për të diskutuar.

“Kishin dy muaj që e frekuentonin këtë hotel, madje ngjiteshin edhe në dhoma për të konsumuar bisedat e tyre,”-tha gazetarja Lala.

Për më shumë bëhu pjesë e grupit më viral në Facebook, Dosja.al

Më tej, ajo tregoi detaje edhe për administratorin e hotelit ku ndodhi ngjarja, duke u shprehur se ai është arrestuar për t’u esktraduar në Itali pasi ishte dënuar për trafik kokaine.

“Hoteli ishte në anë të rrugës, ishte një Hotel që ka ndërruar disa herë pronësi. Administrohej nga një personazh që ishte dënuar, arrestuar dhe pret ekstradimin në Itali. Trafikonte kokainë,”-shtoi ajo.

(k.m/dosja.al)

Shto Koment