Politike

A kemi rrezik mbylljeje? Manastirliu: Me 80 veta në spital, gjithçka stopon

Sipas ministres ajo çfarë përcakton hapjen, lidhet me rastet pozitive ditore, rastet e të shtruarve apo dhe rastet në terapi intensive. Me 80 të shtruar në spital, hapja stopon.
Featured image of article: A kemi rrezik mbylljeje? Manastirliu: Me 80 veta në spital, gjithçka stopon Ogerta Manastirliu

TIRANË– Edhe pse situata e Covid-19 në Shqipëri paraqitet e qëndrueshme, gjatë një interviste ne emisionin “Opinion”, Ministrja e Shëndetësisë Ogerta Manstirliu, tha se sipas një skenari, një rritje e caktuar e rasteve do të çonte në stopim të hapjes së vendit. Sipas ministres ajo çfarë përcakton hapjen, lidhet me rastet pozitive ditore, rastet e të shtruarve apo dhe rastet në terapi intensive. Me 80 të shtruar në spital, hapja stopon.

Fevziu: Nëse rriten numrat a rrezikojmë mbyllje?

Manastirliu: Kurba vazhdon të jetë e sheshtë. Është akumulativi i rasteve që përcakton ecurinë. Ajo që përcakton kthimin pas. Janë rastet pozitive ditore, janë rastet e të shtruarve, rastet në terapi intensive dhe sigurisht dhe fatalitet.

Fevziu: Rastet e rritura të këtyre ditëve, janë vatra apo të shpërndara?

Manastirliu: Janë kontakte të personave të infektuar. Ne aktualisht në Shqëipëri kemi mbi 20 vatra kryesisht familjare. 60% e të prekurve janë në Tiranë.

Fevziu: Kemi rritje të të shtruarve?

Manastirliu: Kemi rritje të të infektuaruve, por janë raste asimptomatikë.

Fevziu: A ndikon vera?

Për më shumë bëhu pjesë e grupit më viral në Facebook, Dosja.al

Manastirliu: Nuk mund të themi, pasi nuk ka studime shkencore. Fakti që virusi nuk ka atë agresivitet sigurisht mund të jetë edhe për asrye të imunitetit në një periudhë që nuk është dimër.

Fevziu: Kemi të shtruar të rritur?

Manastirliu: Kemi 21 pacientë. Është një numër i qëndrueshmëm dhe që nuk ka ndryshuar, në terapi intensive nuk kemi ansjë të intubuar.

Fevziu: Në çfarë skenari mund të ktheheshim në mbyllje?

Manastirliu: Nëse do të kishim dyfishim apo trefishim të rateve të reja, karahasuar  me para 2 javësh. Nëse do të kishim rritje të të shtruarve duke shkuar tek 80 të shtruar dhe nëse do të kishim të intubuar 15 – 20 raste, atëherë ne stopojmë. Nuk bëjmë hapa të tjerë. Nëse kjo na rritet do të bëjmë hapa pas.

Marrë nga Opinion.al

(f.m/dosja.al)

Shto Koment