BotaJete & Stil

95 përqind e ushqimeve për bebe, përmbajnë arsenik dhe mërkur /Studimi i fundit

94% kishin të përfshirë metalin e plumbit,  73% kishin arsenik dhe 32% kishin merkurin.
Featured image of article: 95 përqind e ushqimeve për bebe, përmbajnë arsenik dhe mërkur /Studimi i fundit

NEW YORK – Grupi kërkimor i universitetit ‘Colombia’ të gjendur në New York, kanë kryer një studim mbi kimikatet toksike të gjendura në ushqimet për fëmijë, në Amerikë.

Studiuesit testuan 168 ushqime për fëmijë, duke përfshirë drithëra me oriz për foshnje, kavanoza perimesh dhe lëngje të ndryshme.

Ata zbuluan se 95%  e ushqimeve që ata testuan përmbanin një ose më shumë metal të rëndë toksik.

94% kishin të përfshirë metalin e plumbit,  73% kishin arsenik dhe 32% kishin merkurin.

Ushqimet që kishin rrezikun më të madh të ekspozimit ishin: ushqime me bazë orizin, karotat, patatet e ëmbla dhe lëngjet e frutave.

Në raportin e nxjerrë nga universiteti, tregohet se këto etale të rënda toksike, mund të ngadalsojnë në mënyrë të ndjeshme zhvillimin e trurit tek fëmijët, dhe mund të shkatërrojnë funksionet konjitive të trurit, duke ulur në mënyrë drastike nivelin e inteligjencës tek foshnjet.

Impakti i tyre ndaj trurit, shtohet sa herë foshnja konsumon një vakt ushqimi të tillë.

‘Këto ushqime për fëmijë, nuk janë vetëm të larta në arsen inorganik, forma më toksike e arsenikut, por gjithashtu janë pothuajse gjithmonë të kontaminuar me të treja metalet toksike të lartpërmendura ‘ thuhet në raport.

Arseniku është një element që shfaqet natyrshëm në koren e tokës dhe mund të gjendet në ajër, ushqim, tokë dhe ujë.

Në formën e saj inorganike dhe në nivele të larta, arseniku mund të jetë jashtëzakonisht toksik, dhe madje edhe vdekjeprurës.

Studimet e mëparshme kanë treguar që foshnjat e ekspozuara ndaj niveleve të ulëta të arsenikut kanë aftësi konjitive më të dobëta se sa bashkëmoshatarët e tyre.

Universiteti i Colombias, i bën thirrje urgjente qeverisë amerikane dhe jo vetëm, që të ndalojë prodhimin e këtyre ushqimeve, si dhe të rrisë kontrrollet për përbërjet toksike, në të gjithë ushqimet e shpërndara në marketet amerikane.

Burimi:Daily Mail

E.C/Dosja.al

Shto Koment