Sport

75-vjetori i trishtë i Gerd Muller, legjenda e Gjermanisë që po shuhet ngadalë: Nuk ha më, qëndron në shtrat 24 orë

Bashkëshortja e tij, Uschi, pohoi me keqardhje se i mbiquajturi “Bombarduesi” po i afrohet fundit
Featured image of article: 75-vjetori i trishtë i Gerd Muller, legjenda e Gjermanisë që po shuhet ngadalë: Nuk ha më, qëndron në shtrat 24 orë Gerd Muller dhe Uschi Muller

GJERMANI-Më datë 3 nëntor Gerd Muller mbush 75 vjeç.Qendërsulmuesi legjendar i Gjermanisë Perëndimore tani është në një gjendje të pakthyeshme, thuajse i pavetëdijshëm, duke fjetur pjesën më të madhe të kohës.Bashkëshortja e tij, Uschi, pohoi me keqardhje se i mbiquajturi “Bombarduesi” po i afrohet fundit.

“Ai qëndron në shtrat gati 24 orë në ditë, ka vetëm momente të rralla zgjimi. Është bukur kur hap pak sytë. Ndonjëherë ai mund të thotë po ose jo, duke lëvizur qerpikët. Gerdi fle, duke pritur fundin. Ai ka qenë gjithmonë një luftëtar, një djalë i guximshëm, është edhe tani. I qetë dhe paqësor. Shpresoj se nuk po vuan dhe nuk mund të mendojë për fatin e tij, një sëmundje që ia privon një njeriu dinjitetin. Ai po shkon ngadalë, në jetën e përtejme, duke fjetur”.

Trajneri aktual i Bayernit, Hansi Flick, gjithashtu nënvizoi arritjet e Gerd Müllerit, kur u pyet se kush ishte futbollisti më i mirë i të gjitha kohërave për të.

Për më shumë bëhu pjesë e grupit më viral në Facebook, Dosja.al

“Në fëmijërinë time, ai ishte lojtari më i mirë, sepse shënonte gola me një natyrshmëri që nuk ekziston më. Ai ishte idhulli i rinisë time dhe unë isha shumë i lumtur kur arrita ta takoja”.

E.Ç (Dosja.al)

Shto Koment