Factcheck

63.8 mln euro për shëtitoren e Sarandës, ‘Fusha sh.p.k’ gllabëron tenderin, dy kompanitë u skualifikuan…

Një fond prej 63.8 milionë euro është hedhur për tenderim, dhe fituese është shpallur kompania “Fusha” me një ofertë prej 570,335,643 lekë. Dy kompanitë e tjera në garë ishin Arifaj SH.P.K.dhe Gjikuria SH.P.K., të cilat janë skualifikuar dhe pse kishin ofertë më të ulët.
Featured image of article: 63.8 mln euro për shëtitoren e Sarandës, ‘Fusha sh.p.k’ gllabëron tenderin, dy kompanitë u skualifikuan… Shëtitorja Naim Frashëri, Sarandë dhe tenderi i fituar nga Fusha SH.P.K.

TIRANË– Kompania “Fusha Sh.p.k” rikonfirmohet sërish si shoqëria kryesore private që fiton tenderat në të gjithë Shqipërinë. Pas miliona eurove tendera të marra për projektet e bashkisë Tiranë dhe asaj Vlorë, tashmë ‘Fushën’ do e shohim edhe në Sarandë.

Një fond prej 63.8 milionë euro është hedhur për tenderim, dhe fituese është shpallur kompania “Fusha” me një ofertë prej 570,335,643 lekë. Dy kompanitë e tjera në garë ishin Arifaj SH.P.K.dhe Gjikuria SH.P.K., të cilat janë skualifikuar dhe pse kishin ofertë më të ulët.

Tenderi per shetitoren e Sarandes

Ofertat e tyre kanë qenë me çmim më të ulët, se ato të Fushës, por kjo duket se nuk është marrë parasysh nga Agjencia e Prokurorimeve Publike.

Respektivisht, “Arifaj” sh.p.k.  ka patur një ofertë prej 450,481,711 ALL,  “Gjikuria” sh.p.k. – 467,518,427 ALL, ndërsa fituese është “Fusha Sh.p.K”, me një ofertë prej dhe fituese është shpallur kompania “Fusha” me një ofertë prej 570,335,643 ALL.

Tenderi për shëtitoren e Sarandës

Kompania në fjalë është në zotërim të biznesmenit Shkëlqim Fusha. Ai akuzohet nga opozita për lidhje direkte me kryetarin e bashkisë Tiranë, Erion Veliaj dhe kryeministrin Edi Rama.

Fusha ka marrë 49.3 mln euro tendera vetëm nga bashkia Tiranë, ndërkohë që së fundmi është në qendër të një tjetër skandali. Nënkryetari i Bashkisë Tiranë, Arbër Mazniku, ka përfituar një udhëtim të paguar nga vetë Shkëlqim Fusha në Barcelonë, ku vetëm për dhomën është paguar 1816 euro për dy netë.

(F.g/dosja.al)

Shto Koment