Aktualitet

613 kilogram në Maminas, shtyhet pretenca për Arbër Çekajn, shkak mungesa e avokatit Maks Haxhia

Ata akuzohen si të përfshirë në trafikun e kokainës që u kap 2 vite më parë në Maminas, mes bananeve ku u gjetën 613 kilogram kokainë.  Arbër Çekaj, pronari i kompanisë, arriti të fitojë gjykim të shkurtuar pas ekstradimit të tij nga Gjermania.
Featured image of article: 613 kilogram në Maminas, shtyhet pretenca për Arbër Çekajn, shkak mungesa e avokatit Maks Haxhia Arbër Çekaj dhe Maks Haxhia

TIRANË- Gjendja shëndetësore e avokatit Maks Haxhia ka sjellë edhe shtyrjen e dhënies së pretencës nga ana e prokurorisë për Arbër Çekajn, pronarin e “Arbi Garden”, si dhe dy të arrestuarit e tjerë, Armando Pezaku dhe Donaldo Lushaj.

Ata akuzohen si të përfshirë në trafikun e kokainës që u kap 2 vite më parë në Maminas, mes bananeve ku u gjetën 613 kilogram kokainë.  Arbër Çekaj, pronari i kompanisë, arriti të fitojë gjykim të shkurtuar pas ekstradimit të tij nga Gjermania.

Seanca për Çekajn është shtyrë, ndërkohë që gjendja e avokatit Maks Haxhia është e stabilizuar.

Për më shumë bëhu pjesë e grupit më viral në Facebook, Dosja.al

Arbër Çekaj është pronari i kompanisë “Arbri Garden” në kontenierët me banane të së cilës në fund të shkurtit të 2017 u kapën edhe 613 kg kokainë që vinin nga Kolumbia.

Të arrestuar për sasinë rekord që u kap në Durrës në shkurt janë vetëm; Armando Pezaku dhe Donaldo Lushaj, ndërsa janë sekuestruar dhe disa llogari bankare dhe dy biznese të reja të hapura nga të afërmit e Arbër Çekajt për të cilat hetuesit dyshonin se do përdoreshin për të tjetërsuar asetet. Vetë Çekaj ka mohuar akuzat në drejtim të tij.

(F.g/dosja.al)

Shto Koment