Sport

60 policë mësyjnë në shtëpinë dhe klinikën e mjekut personal të Maradonës, dyshohet për vrasje të qëllimshme

Siç është raportuar nga gazeta argjentinase 'La Nacion', përballë parregullsisë së pretenduar në rikuperimin në shtëpi të Pibe de Oro, Gjykatësi urdhëroi kontrollin e shtëpisë dhe zyrës së mjekut të tij personal, Leopoldo Luque
Featured image of article: 60 policë mësyjnë në shtëpinë dhe klinikën e mjekut personal të Maradonës, dyshohet për vrasje të qëllimshme Leopoldo Luque

ARGJENTINË-Një lajm i bujshëm vjen nga Argjentina në hetimin për vdekjen e Diego Armando Maradonës. Siç është raportuar nga gazeta argjentinase ‘La Nacion’, përballë parregullsisë së pretenduar në rikuperimin në shtëpi të Pibe de Oro, Gjykatësi urdhëroi kontrollin e shtëpisë dhe zyrës së mjekut të tij personal, Leopoldo Luque, “i cili u bë i dyshuari i parë i hetimit që për momentin është i vrasjes me dashje”. “Në bazë të provave të mbledhura, u gjykua e nevojshme të kërkohej kontrolli i shtëpisë dhe zyra e Dr. Luque – bëjnë të ditur burimet gjyqësore – Nëse parrgullsia në kurimin në shtëpi të Maradonës do të konfirmohet, mund të bëhet fjalë për krimin e vrasjes së qëllimshme”.

Luque është mjeku që kishte operuar Maradona më 3 nëntor për të hequr një mpiksje gjaku në tru. 60 oficerë kontrolluan shtëpinë dhe klinikën e mjekut, i cili të mërkurën e kaluar nuk ishte në shtëpinë e kampionit argjentinas në lagjen San Andrés në periferi të Buenos Aires por thirri numrin e urgjencës 911 për të kërkuar një ambulancë në 12.16.

Hetuesit duan të kuptojnë se sa herë Dr. Luque ka shkuar në shtëpi për të kontrolluar pacientin e tij. Deri më tani, neurokirurgu ishte i vetmi anëtar i rrethit të Maradonës që nuk ishte dëgjuar si dëshmitar. “Dje kemi vazhduar me hetimet, gjithashtu duke marrë disa deklarata dëshmuese nga të afërmit e drejtpërdrejtë të Maradonës”, shpjegoi Prokurori i Përgjithshëm i San Isidro në një deklaratë. Kërkimet u urdhëruan nga prokurori i Benavidez Laura Capra nga gjykatësit dhe ndihmësit e prokurorëve të San Isidro, Patricio Ferrari dhe Cosme Irribaren. Gjithashtu sipas Nacionit, kur përmbaruesit dhe personeli i policisë arritën, Luque u befasua dhe ka bërtitur: “Nuk e prisja këtë”.

Për më shumë bëhu pjesë e grupit më viral në Facebook, Dosja.al

LUQUE: ASNJË GABIM NUK KAM BËRË

“Jam absolutisht i sigurt se kam bërë gjithçka që mundem për Diegon. Tani jam në dispozicion të drejtësisë. Unë e di se çfarë bëra me Diego dhe si e bëra. Unë mund të provoj gjithçka.” Në një konferencë shtypi të improvizuar me mediat lokale që e ‘rrethuan’ atë, kirurgu Leopoldo Luque, i cili operoi Maradonën dhe i cili tani është nën hetim, mbron veten nga akuza e vrasjes, për neglizhencë të pretenduar për të ndihmuar pacientin e famshëm . Ndërkohë, gjatë kontrolleve, dokumentet, kompjuterët dhe pesë celularë u konfiskuan.

E.Ç (Dosja.al)

Shto Koment