Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Aktualitet
6 marsi/ Lëvizjet dhe emrat e Ramës për bashkitë, të besuarit e Bashës e Berishës
25 Janar 2022, 16:55Nga DOSJA
TIRANË– Na ndajnë vetëm pak më shumë se tre javë nga nisja e fushatës për zgjedhjet lokalet të 6 marsit dhe partitë kanë nisur lëvizjet, por ende nuk kanë zyrtarizuar emrat. Kryesocialisti Edi Rama ka nisur konsultimet me drejtuesit politik të qarqeve për të velur sugjerimet rreth kandidatëve për zgjedhjet e pjesshme lokale në të gjashta bashkitë që kanë mbetur pa kryetar të zgjedhur. Pasditet e sotme, Rama do të takohet me kryebashkiakun Erion Veliajn i cili është edhe drejtues politik në qarkun Tiranë. Në takim pritet të diskutohet mbi emrat që do të përfaqësojnë Partinë Socialiste e Rrogzhinën në garë. Për të parën deri më tani një kandidat i mundshëm është Mersin Murati, i cili ka prefekt i Tiranës. Ndërsa për Rrogozhinën, pritet që të kandidojë i komanduari Edison Memolla, por ende nuk ka asgjë zyrtare. Një orë më pas, Rama pritet të takohet me Ulsi Manjën, drejtues politik për qarkun e Dibrës.
Nga ana tjetër, për Lushnjen, kryeministri Edi Rama ka dy emra mbi tavolinë. Gazetari Muhamed Veliu shkruan për Top Channel se për bashkinë Lushnjë, kryeministrit Edi Rama i është propozuar kryetarja e bashkisë në detyrë Eriselda Sefa dhe mjeku Asfloral Haxhiu. Fjalën e fundit për kandidaturat do ta ketë Kryesia e PS. Për të njëjtën bashki, kryedemokrati Lulzim Basha e ish-kryeministri Sali Berisha kanë gjithashtu nga dy emra secili. Nga kampi demokrat i Lulzim Bashës po diskutohen emrat e Elton Banos dhe Darien Xhindolit. Ndërsa nga grupimi i Sali Berishës të preferuarit për garën e Lushnjës shihen Arben Zaimi dhe Nevila Bami.
Në Durrës, Kryetarja e komanduar e Bashkisë së Durrësit, Emirjana Sako do të jetë kandidate e PS-së për kryetare në zgjedhjet e pjesshme që do të zhvillohen në datën 6 mars. Ndërsa zonja tjetër që ka zgjedhur PS-ja për Shkodrën është Majlinda Angoni, e cila është aktualisht prefekte e këtij qyteti. Nga ana tjetër kryedemokrati Lulzim Basha ka vendosur që në Durrës të përfaqësohet nga Luan Hoti. Në të njëjtën zonë, Komisioni për Rithemelimin e PD-së ka nxjerrë si kandidat Ardian Mukën. LSI nuk ka dalë ende me asnjë emër.
Fushata nis në 19 shkurt
Fushata elektorale për zgjedhjet e pjesshme vendore në 6 bashkitë vendit që do të mbahen më 6 mars do të nisë më 19 shkurt. Ky ishte vendimi që u miratua pas propozimit të Komisionerit Shtetëror të Zgjedhjeve Ilirjan Celibashi. Për rrjedhojë kandidatët do të kenë vetëm 14 ditë kohë për fushatën e tyre. Komisioni Qendror i Zgjedhjeve ka vendosur për përbërjen e Komisioneve Zonale të Administrimit Zgjedhor për zgjedhjet e 6 marsit duke ndarë anëtarët për secilën parti. Mësohet se në gjashtë bashkitë e vendit ku do të mbahen zgjedhje, 3 anëtarë të KZAZ-ve do t’i ketë Partia Socialiste; 3 anëtarë Partia Demokratike dhe 1 anëtar LSI-ja. Në këtë mënyrë është bërë një ndarje e barabartë mes maxhorancës dhe opozitës edhe pse kjo e fundit duket të jetë e përçarë.
Partia Socialiste ka depozituar në Komisionin Qëndror të Zgjedhjeve dokumentacionin për regjistrimin e partisë për zgjedhjet e pjeshme vendore të datës 6 mars 2022, për kryetarë të bashkive. Dokumentacioni është derguar nga Sekretari i Përgjithshem i PS-së, Damian Gjiknuri. Lëvizja Socialiste për Integrim dërgoi sot në Komisionin Qendrot të Zgjedhjeve propozimet për anëtarë të Komisioneve të Zonave të Administrimit Zgjedhor lidhur me organizimin e zgjedhjeve të pjesshme lokale të 6 marsit 2022.
Cilat bashki janë pa kryetar?
Për momentin Shkodra është drejtohet nga një kryetare me mandat të përfunduar kushtetues, Voltana Ademi, e cila u rikthye në detyrë pas largimit të Valdrin Pjetrit. Dibra mbeti pa kryetar bashkia pasi Dionis Imeraj dha dorëheqjen. Durrësi ka Emirjana Sakon, pasi Valbona Sako u largua nga pozicioni i saj si kryebashkiake pas një gafe që bëri pas tërmetit tragjik të 26 nëntorit. Kryebashkiaku Haxhi Memolla u nda nga jeta dhe për pasojë në krye të bashkisë së Rrogozhinës u komandua Edison Memolla. Lushnja pasi kryebashkiaku Fatos Tushe u arrestua me urdhër të Prokurorisë së Posaçme Kundër Korrupsionit dhe Krimit të Organizuar.
TIRANË– Kryetarja e komenaduar në Bashkinë e Lushnjes, Eriselda Sefa ka një rival në zgjedhjet e pjesshme lokale të 6 marsit. Gazetari Muhamed Veliu ...
TIRANË– Kreu i Partisë Demokratike Lulzim Basha e ish-kryeministri Sali Berisha kanë janë mes dy kandidaturave për të zgjedhur garuesin në Bashkinë e...
TIRANË– Kryeministri Edi Rama ka reaguar për herë të parë pas publikimit të audio-skandalit të publikuar nga Federata Shqiptare e Futbollit, ku kryeb...
GJIROKASTËR – Drejtori i Përgjithshëm i Policisë së Shtetit Gledis Nano kërkoi seriozitet dhe përkushtim nga punonjët e policisë së këtij qarku. I nd...