Sport

55 milionë euro diferencë mes Tiranës dhe Young Boys, pjesë e ekipit zvicerian dy shqiptarë, ja kundërshtari i bardhebluve në Europa League

Bardheblutë shihen si jo favoritë në këtë takim përballë një ekipi që ka provuar çdo vit të luajë në grupet e kupave të Europës
Featured image of article: 55 milionë euro diferencë mes Tiranës dhe Young Boys, pjesë e ekipit zvicerian dy shqiptarë, ja kundërshtari i bardhebluve në Europa League Young Boys

TIRANË– Më datë 1 tetor Tirana do të luajë në Zvicër ndaj Young Boys për “Play-Offin” e Europa League. Bardheblutë shihen si jo favoritë në këtë takim përballë një ekipi që ka provuar çdo vit të luajë në grupet e kupave të Europës. Gjithashtu edhe në vlera monetare, diferencat janë të mëdha.

Sipas faqes që merret me llogaritjen e vlerave të klubeve, “Transfermarkt”, ekipi zvicerian kap shifrën e 60 milionë eurove, ndërsa Tirana kushton vetëm 4,5 milionë euro. Lojtari më i shtrenjtë i tyre është Jean-Pierre Nsame, kartoni i të cilit kushton 7 milionë euro. Ndërsa i Tiranës është mbrojtësi i djathtë Kristjan Tozhevski që vlen 500 mijë euro.

Për më shumë bëhu pjesë e grupit më viral në Facebook, Dosja.al

Në Zvicër, ashtu si në vendin tonë, nuk ka filluar ende kampionati kombëtar. Pra, në këtë drejtim, kundërshtari i Tiranës nuk ka ndonjë favor të praktikës së ndeshjeve, por në emra dhe cilësi, sigurisht që qëndron më lart. Në radhët e Yong Boys militon edhe futbollisti ynë i kombëtares, Taulant Seferi. Po kështu, në radhët e verdhezinjëve helvetë luan edhe Miralem Sulejmani, një futbollist profesionist, pjesë e kombëtares së Serbisë, por me rrënjë shqiptare.

E.Ç (Dosja.al)

Shto Koment