Aktualitet

12 raste të reja me COVID-19 gjatë 24 orëve të fundit, shërohen 79% e të prekurve

Gjatë 24 orëve të fundit janë konfirmuar 12 raste të reja me COVID-19. Harta është zgjeruar me 7 raste në Tiranë, 2 në Fier, 2 në Krujë dhe 1 në Durrës. Ndërkohë janë shëruar 6 persona dhe numri total i të shëruarve ka shkuar në 777. Deri më tani janë shënuar 31 viktima.
Featured image of article: 12 raste të reja me COVID-19 gjatë 24 orëve të fundit, shërohen 79% e të prekurve Të dhënat për COVID-19

Shqipëri- Gjatë ditëve të fundit kurba e infeksionit në Shqipëri ka pësuar luhatje. Ditën e sotme ministria e Shëndetësisë bëri me dije se gjatë 24 orëve të fundit kanë rezultuar të infektuar 12 qytetarë, pas testimit të 174 personave të dyshuar. Kështu, numri total i të infektuarve ka shkuar në 981. Sipas MSH-së harta është zgjeruar me 7 raste në Tiranë, 2 në Fier, 2 në Krujë dhe 1 në Durrës. Lajmi i mirë është se për më shumë se 3 javë nuk kemi humbje jete dhe 79% e të prekurve tashmë janë të shëruar. Aktualisht janë të shtruar 17 pacientë në spital dhe 5 prej tyre janë në terapi intensive.

 

Për më shumë bëhu pjesë e grupit më viral në Facebook, Dosja.al

Një ditë më parë në emisionin “Dita Jonë” në A2 CNN, Skënder Brataj u shpreh se COVID-19 ekziston, duke i kthyer kështu një përgjigje opozitës për situatën e pandemisë. Po kështu ai theksoi se nëse nuk respektohen masat për COVID-19, në fund të muajit mund të ketë një rritje të numrit të të infektuarve.

J.V/Dosja.al

  • 12:17

    Detaje nga rastet e reja me covid në Fier, preket çifti i të moshuarve, dy djemtë dalin negativë

    Foto ilustruese

    Detaje të reja kanë dalë nga 2 rastet e reja me COVID-19 në Fier. Burime për Dosja.al bëjnë me dije se të infektuarit janë një çift bashkëshortësh rreth 60 vjeç, që banojnë në lagjen “Liri”. Dyshohet se të moshuarit mund të jenë  kontakte të farmacistit, pasi banojnë në pallatin përballë tij.  Të njëjtat burime bëjnë me dije se 2 djemtë e çiftit i janë nënshtruar tamponit, por fatmirësisht kanë rezultuar negativë.

  • 11:02

    Shtohet rastet me COVID-19, në 24 orët e fundit janë konfirmuar dhe 12 raste të reja

    Ministrja e Shëndetësisë ka bërë me dije se në 24 orët e fundit janë konfirmuar 12 raste të reja më COVID-19. Në një njoftim për mediat bëhet me dije se tashmë ka shkuar në 981 numri i të prekurve. Lajmi i mirë është se për më shumë se 3 javë nuk kemi humbje jete dhe 79% e të prekurve tashmë janë të shëruar.

    Aktualisht janë të shtruar 17 pacientë dhe 5 prej tyre janë në terapi intensive. Gjatë 24 orëve të fundit janë testuar 174 qytetarë si të dyshuar të prekur me COVID-19 dhe janë konfirmuar pozitivë 12 raste: 7 raste në Tiranë, 2 në Fier, 2 në Krujë dhe 1 në Durrës dhe janë shëruar 6 persona.

    NJOFTIMI I PLOTË

    Ju bëjmë me dije të dhënat e 24 orëve të fundit të situatës së COVID 19 në Shqipëri. Kurba epidemike ka paraqitur qëndrueshmëri gjatë dy javëve të fundit, por me luhatje ditore përkundrejt rasteve të raportuara dhe të identifikuara nga shërbimi epidemiologjik. Për më shumë se 3 javë nuk kemi humbje jete dhe ky është një indikator që tregon qëndrueshmërinë e këtij shpërthimi epidemik. Megjithatë, pas një situate të qëndrueshme dhe të stabilizuar të rasteve që kanë kërkuar shërbim spitalor, sot kemi një rritje të rasteve në spitalin infektiv. Aktualisht janë të shtruar 17 pacientë dhe 5 prej tyre janë në terapi intensive. Gjatë 24 orëve të fundit janë testuar 174 qytetarë si të dyshuar të prekur me Covid19 dhe janë konfirmuar pozitivë 12 raste. Shpërndarja gjeografike e rasteve është si vijon: 7 raste në Tiranë, 2 në Fier, 2 në Krujë dhe 1 në Durrës. Të shëruar janë 6 qytetarë. Deri më sot janë konfirmuar pozitivë me COVID-19 në të gjithë vendin 981 qytetarë. Prej tyre, rreth 79% janë të shëruar. Në vendin tonë aktualisht janë 173 persona aktivë me COVID19, kryesisht ne Tiranë, Durrës Krujë, Shkodër. Nga fillimi i epidemisë janë kryer mbi 14 mijë testime molekulare dhe serologjike. Deri tani janë mbi 1300 testime serologjike në personel shëndetësor dhe pacientë, me një pozitivitet të përgjithshëm rreth 8%.

    Ministria e Shëndetësisë dhe Mbrojtjes Sociale fton qytetarët të tregohen të kujdesshëm, duke respektuar masat e vendosura. Nëse keni shenja të Covid19 telefononi në numrin unik të Urgjencës Kombëtare, 127. Për informacion në lidhje me COVID19 dhe këshillim psikologjik, ju lutemi, telefononi në linjën e gjelbër 0800 40-40. COVID-19 – Statistika (22 Maj 2020): Testime totale 14259; Testime molekulare 12933; Testime serologjike 1326; Raste pozitive 981; Raste të shëruara 777; Raste Aktive 173; Humbje jete31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1). Shpërndarja gjeografike e rasteve aktive është si vijon: Tiranë 58; Durrës 48; Krujë 31; Shkodër 10; Berat 10; Kamëz 9, Fier 4, Elbasan 1, Mirditë 1; Korçë 1.

  • 09:26

    COVID-19 nuk largohet nga Kruja, 2 persona të tjerë të infektuar

    Foto ilustruese

    Gjatë 24 orëve të fundit kanë rezultuar 2 persona të infektuar me COVID-19 në Krujë. Burime për Dosja.al bëjnë me dije se të prekurit janë kontakte të personave të infektuar më herët. Aktualisht në Krujë janë 33 persona aktivë me COVID-19, ndërkohë që janë shëruar dhjetëra të tjerë.

Shto Koment