Aktualitet

Përndiqte të renë në mënyrë të vazhdushme, arrestohet 31-vjeçari. Policia prangos dhe 4 persona të tjerë

Sipas infromacioneve mësohet se në pranga është vënë një 31-vjeçar, i cili akzuohet se përndiqte në mënyrë të vazhdueshme një 28-vjeçare. 
Featured image of article: Përndiqte të renë në mënyrë të vazhdushme, arrestohet 31-vjeçari. Policia prangos dhe 4 persona të tjerë Foto ilustruese

TIRANË-  Policia e Tiranës ka arrestuar gjatë roëve të fundit 5 persona për vepra të ndryshme penale. Sipas infromacioneve mësohet se në pranga është vënë një 31-vjeçar, i cili akzuohet se përndiqte në mënyrë të vazhdueshme një 28-vjeçare. 

Po janë arrestuar dhe 4 persona të tjerë, për veprën penale A. V., 28 vjeç, “Largimi i të burgosurit nga vendi i vuajtjes së dënimit”. Po ashtu janë arrestuar dhe B. L., 54 vjeç, banues në Tiranë, pasi ishte shpallur në kërkim për veprën  penale “Tregtimi i mallrave që janë kontrabandë” dhe  F. A., 39 vjeç, banues në Vlorë, pasi ishte shpallur në kërkim për veprën penale ”Vetëgjyqësia”. 

NJOFTIMI I PLOTË

Gjatë 24 orëve të fundit janë vënë në pranga 5 shtetas, dy prej të cilëve ishin në kërkim. Specialistët për Hetimin e Krimit të Komisariatit të Policisë Nr. 5 bënë arrestimin në flagrancë të shtetasit XH. H., 31 vjeç. Arrestimi i këtij shtetasi u bë, pasi ky shtetas ka goditur me grushte  dhe përndjekur në mënyrë të vazhdueshme shtetasen E. D. Gjithashtu, nga shërbimet e Komisariatit Nr. 1 është arrestuar në flagrancë shtetasi A. V., 28 vjeç, për veprën penale “Largimi i të burgosurit nga vendi i vuajtjes së dënimit”, sepse gjatë kontrollit të ushtruar, nuk u gjet në banesë, duke thyer masën e sigurisë “Arrest në shtëpi”.

Për më shumë bëhu pjesë e grupit më viral në Facebook, Dosja.al

Në vijim të punës për kapjen e personave në kërkim, nga strukturat e DVP Tiranë janë kapur dhe ndaluar 2 shtetas, pasi ishin shpallur në kërkim, për vepra të ndryshme penale: B. L., 54 vjeç, banues në Tiranë, pasi ishte shpallur në kërkim për veprën  penale “Tregtimi i mallrave që janë kontrabandë” dhe  F. A., 39 vjeç, banues në Vlorë, pasi ishte shpallur në kërkim për veprën penale ”Vetëgjyqësia”.

Gjatë mbrëmjes së djeshme ka pasur 2 telefonata për tentativë vjedhjeje me dhunë, në orën 21:20, në rrugën “Kongresi i Lushnjës” dhe në orën 21:30, në rrugën “Haki Stërmilli”. Shërbimet e Policisë kanë reaguar në kohë dhe nga verifikimet e bëra nga Policia ka rezultuar se nuk është kryer vjedhje në asnjë rast. Është ngritur një grup, i cili vijon punën për identifikimin dhe dokumentin e autorësisë së këtyre ngjarjeve, të dy tentativave për vjedhje me dhunë. Materialet i kaluan Prokurorisë, për veprime të mëtejshme, për veprën penale “Vjedhja me dhunë, e mbetur në tentativë”.

(A.B. Dosja.al)

Shto Koment