Bota

Mbi 1 milion të infektuar dhe 50 mijë viktima në të gjithë botën/ COVID-19 po bën ‘kërdinë’ në Francë, Spanjë dhe Itali, mijëra viktima në 24 orët e fundit

Mbi 1 milion të infektuar dhe 50 mijë viktima në të gjithë botën. Vendet më të prekura në Europë janë Franca, Spanja dhe Italia. Në këto shtete janë shënuar mijëra viktima në 24 orët e fundit.
Featured image of article: Mbi 1 milion të infektuar dhe 50 mijë viktima në të gjithë botën/ COVID-19 po bën ‘kërdinë’ në Francë, Spanjë dhe Itali, mijëra viktima në 24 orët e fundit Foto ilustruse

COVID-19 një kërcënim për të gjithë botën. Mbi 1 milion të infektuar dhe 50 mijë viktima janë regjistruar deri më tani në të gjithë globin. Betejën me koronavirusin e kanë fituar 208,631 të tjerë. Epiqendra e COVID-19 është Europa, ku tri shtetet më të prekura janë Spanja, Italia dhe Franca. Numri i viktimave në Itali ka shkuar në 13 915. Ndërkohë në Spanjë kanë humbur jetën mbi 10 mijë persona. Në këtë shtet rezultojnë të infektuar 104,118 qytetarë.

Edhe Franca po lufton çdo ditë me COVID-19, por atje virusi po bën ‘kërdinë’, pasi deri më tani kanë humbur jetën 4,032 persona, 509 qytetarë kanë humbur jetën vetëm në 24 orët e fundit. Masa të ashpra për COVID-19 po merr edhe SHBA, pasi atje 5,738 persona kanë humbur jetën.

Virusi është përhapur shumë edhe në Ballkan. Raste të reja çdo ditë në Greqi, Maqedoninë e Veriut dhe Kosovë. Në Shqipëri numri i personave të infektuar ka shkuar në 277, ndërkohë që 16 persona kanë ndërruar jetë. 67 persona janë të shëruar. Harta e rasteve është zgjeruar tashmë në 17 qytete, por  më e prekur është Tirana.

Për më shumë bëhu pjesë e grupit më viral në Facebook, Dosja.al

Burimi: worldometers.info/coronavirus/

J.V/Dosja.al 

  • 20:35

    “Një dramë brenda drame” në Brescia, në pamundësi për të varrosur të afërmit, familjarëve u ofrohen foto nga funerali

    Pamje nga kisha në Brescia

    Gjatë këtyre javëve në mediat e huaja është folur gjatë dhe ka pasur me  dhjetëra artikuj sa i përket trupave të pajetë të viktimave dhe menaaxhimit të ceremonive funerale.

    Së fundmi në mediat e huaja është rapotuar se disa familjarë nuk kanë mund të gjejnë trupat e pajetë  të  të afërëve të tyre që humbën betejën me koronavirusin, prandaj edhe personi që punon në hapjen e varreve i ka ndihmuar duke fotogarfuar çdo varrim.

    “Është një dramë brenda drame, ajo e ceremonive të mortore në kohët e koronavirusit në Itali. Pacientët që nuk ia dalin vdesin vetëm në një shtrat spitali dhe më pas, të vetëm varrosen.”– shkruan Giornale di Brescia.

    Në shumicën e rasteve familjet e viktimave janë të izoluar, pasi kanë qenë në kontakt me të ndjerin.

    Çdo të vdekuri në Itali i kushtohet një bekim i shkurtër në varreza dhe jo në kishë, ashru siç ndodhte  para përhapjes së virusit, për të shmangur grumbullimet e njerëzve. Vetëm në zonën e Brescias deri tani ka pasur të paktën 1327  të vdekur dhe të paktën 7800 të infektuar.

    Gjatë këtyre ditëve të vështira që kanë trondit qytetin e Brescias, ka shumë gjeste mëshire dhe bamirësie të cilat tentojnë t’i rikthejnë sadopak dinjitet situatës. Të gjitha ato agjenci dhe stafe që merren menaxhimin e viktimave të  Covid-19, po u dedikojnë një përkujdesje maksimale dhe më të ndjerë familjeve të viktimave.

    Në këtë mënyrë veprojnë shërbimet funerale, të cilat duke devijuar itinerarin nga morgu në varreza, ua çojnë makinën me arkëmortin familjarëve poshtë shtëpisë, ku familjarët të kenë mundësi t’u japin lamtumirën e fundit të afërmve të tyre.

    Një person që punon në hapjen e varreve në Itali ka bërë një njoftimin në profilin e tij në Facebook, ku thotë se prej disa ditësh ai fotografon vendet ku varrosen të vdekurit nga Covid-19, pasi familjet nuk do të ishin në gjendje as t’i gjenin familjarët në mesin e mijëra të vdekurve.

    “Kjo pandemi po u mohon familjeve përqafimin e komunitetit. Edhe pse është një gjest i vogël, duam që të gjithë ta ndjejnë afrimitetin.”– ka thënë Pierluigi Bianchini, qytetari i parë i Castenedolo.

    Gjithashtu edhe priftërinjtë janë më të përkushtuar gjatë kësaj kohe për t’u dhënë ngushëllim besimtarëve, si Marco Mori i Kishës Shën Pali, protagonist i një fotoje simbol të kësaj drame.

    “Më ka ndodhur të bekoj edhe 18 trupa në një ditë të vetme. Megjithatë, alternativa jonë e vetme mbetet shpresa.”- ka thënë ai.

  • 20:00

    COVID-19 “gjunjëzon” botën, mbi 1 milion të prekur dhe mbi 50 mijë viktima në rang global

    Foto ilustruese

    Mbrëmjen  e kësaj të enteje numri i të  infekturëve nga koronavirusi në mbarë botën ka shkuar mbi  1 milionë, ndërsa kanë vdekur mbi 50 mijë njerëz të tjerë.

    Çdo ditë e më tepër shifrat rriten, duke bërë që shtete shumë të fuqishme në botë të mos i bëjnë ballë kësaj lufte të  ashpër, pasi është  e vështirë të  vrasësh një armik që është i  padukshëm.

    Në mbarë botën janë prekur mbi 200 shtete, ku shtetet më të prekura janë Italia me mbi  13 mijë të vdekur, Spanja renditet e dyta me më shumë se 10 mijë viktima si edhe Shtetet e Bashkuara të Amerikës ku janë regjistruarmë shumë se 200 mijë të infektuar dhe mbi 5 mijë të vdekur.

  • 18:15

    Rritet sërish numri i viktimave nga COVID-19 në Itali, sot vdiqën 760 persona

    Foto ilustruese

    Numri i viktimave në Itali është rritur sërish në 24 orët e fundit duke rënduar akoma më tej bilancin e luftës më COVID-19. Sipas raportit të Emergjencave Civile në Itali bëhet me dije se sot kanë humbur jetën 760 pacientë.

    Tashmë në Itali numri i përgjithshëm i viktimave është 13 915, bilanc i cili ka çuar sistemin e shëndetësisë në kolaps. Një ditë më parë humbën jetën 727 persona 33 më pak se sot.

    Buletini për 2 prillin

    Ndërkohë vetëm gjatë 24 orëve të fundit janë konfirmuar 4 668 raste të reja me koronavirus dhe numri i përgjithshëm i të infektuarve ka arritur 115 242. Po ashtu bëhet me dije se numri i të infektuarve aktiv është 83,049 dhe të shëruar janë 17 mijë.

  • 16:23

    Dyfishohet numri i të papunëve në SHBA, 6.6 milionë amerikanë mbeten në shtëpi nga COVID-19

    Foto ilustruese

    Koronavirusi i përhapur kaq shumë në mbi 200 vende të botës ka goditur shumë edhe ekonomitë e kombeve.

    Mediat e huaja kanë shkruar së fundi se virusi i përhapur në SHBA ka rritur ndjeshëm papunësinë, ku deir më tani ka lënë të papunë rreth 6.6 milionë banorë.

    Ndërkohë për vetëm një javë numri i të qytetarëve të papunë është  dyfishuar, sepse nga raportimi i  fundit i autoriteteve amerikane ishin 3.3 milionë të papunë.

    Në total për vetëm 14 ditë 10 milionë amerikanë kanë aplikuar për papunësi.

    Ndërkohë ky lajm vjen kur Presidenti amerikan, Donald Trump ka deklaruar se Amerika do të  përjetoj javë të  vështira si shkak i koronavirusit.

    Por Qeveria amerikane ka miratuar një paketë prej 2.2 trilionë dollarësh për të ndihmuar ekonominë dhe qytetarët. Në të gjithë territorin e SHBA-ve numëorohen 5152 viktima dhe  mbi 200 mijë qytetarë të infektuar.

  • 15:50

    Imazhe apokaliptike në Ekuador, viktimat e COVID-19 hidhen në rrugë e më pas digjen (VD)

    Përhapja e koronavirusit në edhe në Ekuador ka shkaktuar një situatë të vështirë për qytetarët atje pasi shifrat e viktimave dhe të të infektuarëve kanë shënuar një rritje ditë pas dite.

    Guayaquil është edhe qyteti më i prekur në Ekuador ku një video e bërë virale së fundmi tregon se atje situata e koronavirusit pothuajse ka dalë jashtë kontrollit

    Në video duket se kufomat e Covid-19 kanë mbetur nëpër rrugët e qytetit pasi janë mbështjellë me qese plastike e ku më pas u është vënë zjarri.

    Këto pamje dramatike ka tronditur botën, pasi raste të tjera me qindra kufoma të lëna përtokë janë parë edhe në SHBA, apo në Itali që mbushën dhjetra kamionë ushtarakë, por kjo që ndodh në këtë qytet është pothuajse  “apokaliptike”.

    Duket qartazi sesi që në vend mungojnë ambulancat, morgjet janë në kapacitete të pakta duke shkaktuar këtë rrëmujë e situatë kaotike në vend.

    Ndërkohë shihet që një grup oficerësh të policisë hedhur një trup nga kamioni në rrugë. Gjithashtu edhe familjarët e të ndjerëve detyrohen të largojnë të dashurit e tyre të  vdekur nga shtëpitë, thjeshtë  duke i  nxjerrë në rrugë me një qese plastike.

    Mësohet që edhe pasi disa banorë kanë telefonuar urgjencën për të zgjidhur situatë, askush nuk është përgjigjur.

  • 15:25

    Vdesin 569 njerëz brenda 24 orëve, shkon në 2921 numri i viktimave në Britani nga koronavirusi

    Foto ilustruese

    Mbretëria e Bashkuar ka raportuar se në 24 orët e fundit kanë humbur jetën 569 njerëz duke e çuar numrin total të të vdekurve në 2,921.

    Mediat e vendase shkruajnë se  ky është një katërfishim i numrit të viktimave brneda një jave, ndërsa mësohet se zyrtarët e shëndetësisë kanë regjistruar edhe 4,200 raste të reja me COVID-19, duke bërë që britania të rregjistrojë rreth 33,718 të infektuar nga ky virus.

    Bilanci i sotëm është edhe më i larti për këtë vend, duke bërë që kriza e virusit të shkatërrojë Britaninë e Madhe. Sot është dita e tretë që është regjistruar një shifër kaq e lartë brenda një dite.

    Por numri i të infektuarëve ditën e sotme është më i ulët, pasi dje u raportuan  4,324 të infektuar.

    Statistikat e Departamentit të Shëndetësisë nënkuptojnë se numri i vdekjeve të koronavirusit në Mbretërinë e Bashkuar pothuajse është katërfishuar në gjashtë ditë.

  • 14:04

    “Ne nuk jemi në fillim të fundit, por në fund të fillimit të epidemisë!” Kryeministri grek: Qëndroni në shtëpi, prilli është muaji më kritik

    Kyriakos Mitsotakis

    Greqia është një ndër vendet e prekura nga koronavirusi, ku numri i viktimave dhe të infektuarëve është rritur ditët e fundit.

    Ditën e sotme kryeministri grek, Kyriakos Mitsotakis u ka bërë thirrje qytetarëve të vendit të tij se duhet të vijojnë ende me zbatimin e masave të marra, sepse sipas tij prilli do të jetë muaji më kritik në luftën kundër COVID-19.

    “Ne nuk jemi në fillim të fundit, por në fund të fillimit.”- ka deklaruar Mitsotakis në parlament.

    Duke ju kërkuar njerëzve të qëndrojnë në shtëpi, ai ka thënë se mos zbatimi i masave çon në pasoja që do paguhen nga vet njerëzit.

    Qeveria greke ka mbyllur restorantet, baret, dyqanet, parqet e lojrave, shkollat, qendra tregtare, universitetet dhe qendrat sportive në pengimin e  përhapjes së koronavirusit.

    “Prilli do të jetë muaji më kritik, e nëse ne zbusim masat, do të na duhet të paguajmë për këtë ndaj nuk duhet ta lejojmë të ndodhë.”-  u shpreh  Mitsotakis.

    Ndër të tjera ai tha se Greqia i ka shmangur ngjarjet tragjike, sikurse ka  ndodhur në SHBA, Spanjë e sidomos në Itali.

    Deri më tani qeveria greke ka raportuar 1.415 njerëz të infektuar me koronavirus dhe 50 viktima.

  • 11:34

    Rriten rastet e reja në Iran/ 124 viktima në 24 orët e fundit nga Covid-19, mbi 3 mijë të vdekur dhe 50,468 të infektuar

    Foto ilustruese

    Numri i të vdekurve në Iran nga koronavirusi ka arritur në 3.136, ku  124 vdekje janë shënuar në 24 orët e fundit, tha zëdhënësi i Ministrisë së Shëndetësisë Kianush Jahanpur.

    Ndërkohë numri i të infektuarve në rang kombëtar ka shkuar në 50,468, ku 2875 prej tyre janë sëmurë në 24 orët e fundit.

    “Kemi 3,956 persona të infektuar në gjendje kritike. Janë 2,875 raste të reja të të infektuarve në 24 orët e fundi dhe 16.711 njerëz janë shëruar nga sëmundja.”-  tha Jahanpur.

  • 11:19

    Miratohet përdorimi i lëngut biliar të arinjve si ilaç për COVID-19, aktivistët për të drejtat e kafshëve kritikojnë Kinën

    Foto ilustruese

    Bota prej më shumë se 3 muajsh po punon për prodhimin e vaksinës kundër koronavirusit, ndërkohë mediat e huaja kanë shkruar se Kina ka miratuar që lëngu biliar i mëlçive të arinjve të përdoret për pacientët me koronavirus.

    Ky lëng do të përdoret vetëm tek ata pacientë që janë në gjendje kritike për jetën.

    Komisioni Kombëtar i Shëndetit ka rekomanduar përdorimin e Tan Re Qing, një injeksion që përmban “biliar arinjsh”, bri dhie dhe barishte, që besohet se shëron pacientët e infektuar me Covid-19.

    Ky lëng biliar i arinjve, që prodhohet në mëlçinë e arinjve dhe ruhet në fshikëzën e tëmthit, është përdorur në mjekësinë tradicionale kineze qindra vjet më parë. Ndërkohë edhe çmimi i këtij lëkngu ka një çmim të lartë në tregun ilegal ndërkombëtar.

    Megjithatë duke qenë se edhe shitja është bërë ilegalisht nuk është raportuar asnjë provë që ky lëng ka vlerë mjekësore.

    Por ky fakt është kritikaur nga aktivistët për të drejtat e kafshëve, pasi edhe disa javë më parë vendi ndaloi shitjen e kafshëve të egra për ushqim.

  • 11:03

    Bilanc lufte/ Vdesin 950 njerëz në 24 orët e fundit nga koronavirusi në Spanjë

    Foto ilustruese

    Ditën e sotme në Spanjë është shënuar numri më i lartë i viktimave brenda 24 orëve. Të paktën  950 njerëz kanë vdekur në Spanjë nga koronavirusi.

    Me  950 viktimat që u shënuan në  24 orët e fundit numri total i të vdekurve nga koronavirusi ka shkuar mbi 10 mijë. Ndërsa aktualisht numri i të infektuarëve ka shkuar në 110,238,  ku mes tyre 10,003 janë shënuar vetëm në  24 orët e fundit.

    Kujtojmë që të martën Spanja regjistroi 864 viktima nga koronavirusi.

  • 10:39

    “Karantina zgjatet deri më 13 prill”, kryeministri Conte: Në fazën e dytë do të jetë bashkëjetesë me Covid-19

    Kryeministri italian, Giussepe Conte

    Italia është vendi i parë në botë për numrin më të  madh të viktimave nga koronavirusi, ndërkohë që edhe të infektuarit rriten ditë pas dite.

    Kur në rang kombëtar numrëohen 80.572 të infektuar nga virusi, 13,155 të vdekur, 16.847 të rikuperuar, 28,403 të shtruar në spital, nga të cilët 4,035 në kujdes intensiv, kryeministri Giussepe Conte ka deklaruar se izolimi për  qytetarët do të vijojë deri më 13 prill.

    “Ju do të hyni vetëm në fazën 2 kur ekspertët të thonë kështu dhe vetëm duke filluar nga disa sektorë.”- ka thënë  kryeministri Conte.

    Ndër të tjera ai u shpreh se nëse nisim që tani me spekulimet për çështjen e masave të ashpra e gjithë përpjekja për të zhdukur virusin që është bërë deri më tani është e kotë.

     “Nëse spekulojmë tani mbi kufizimet, përpjekjet do të ishin të kota.”

    Conte tha gjithashtu se pas Pashkëve nis edhe faza e dytë e emergjencës shëndetësore, ajo e daljes në mënyrë graduale nga masat shtrënguese dhe e bashkëjeteses me Covid-19, ku më pas vijon faza e 3 që është dalja përfundimtare nga situata e vështirëdhe  dhe ringritja e shtetit në aspektin ekonomik.

  • 10:14

    Rastet e reja nga COVID-19, ky grafik një dritë jeshile për Gjermaninë në luftën kundër koronavirusit

    Foto ilustruese

    Numri i personave të infektuar me koronavirus në Gjermani vazhdon të rritet. Por rritja e përqindjes në raportimin e rasteve të reja po shton sërish frikën tek  gjermanët.

    Nga 16 deri në 17 mars, rritja e rasteve të reja ishte 53.6%, nga 30 Mars deri më 31 Mars ishte vetëm 7.1%.

    Kjo tregon se ka sërish ende shumë raste me koronavirus në Gjermani, por shpejtësia me të cilën po përhapet virusi, po bie. Pra ky zhvillim mund të jetë një shpresë për vendasit.

    Grafiku i rasteve per Gjermanine

    Më 2 prill, nga ora 8 e mëngjesit, rritja në krahasim me një ditë më parë ishte 9.1 përqind, përsëri më e lartë, por sërish poshtë 10 përqind dhe shumë më pak se rritja fillestare.

    Në rang kombëtar janë regjistruar 70 mijë raste me infeksione në të gjithë vendin dhe 793 vdekje.

Shto Koment