Arbër dhe Nevila Gjermeni
TIRANË– Nevila dhe Arbër Gjermeni, një çift mjekësh që aktualisht shërbejnë në spitalin Infektiv kanë 40 ditë pa parë fëmijët e tyre. Që në momentin që filloi lufta ndaj Covid-19, çifit Gjermeni i gjendën në vijën e parë dhe nuk u kthyen më në shtëpi për fëmijët e tyre, edhe nga frika se mçonin Covid-19 në familje.
Fotoja e mjekëve është publikuar edhe nga Ministrja e Shëndetësisë Ogerta Manastiliu, e cila sheh tek ta, sakrificën e bluzave të bardha për të lufutar me koronavirusin.
“Prej 40 ditësh dr. Nevila dhe dr. Arbër Gjermeni i janë dedikuar me mish e me shpirt punës me pacientët e prekur nga covid19 në spitalin Infektiv. Ata kanë plot 40 ditë pa i parë fëmijët e tyre, djalin 10-vjeçar dhe vogëlushen vetëm 14 muajshe, ndërsa kujdesen me përkushtim, çdo ditë, për shërimin e pacientëve që po përballen me virusin e rrezikshëm,”– shkruan Manastirliu krah fotos.
(f.m/dosja.al)
