Politike

“4 pyetjet për Kryebashkiakun’/ Jorida Tabaku publikon VIDEON: Pamjet e filmuara sot në kantieret imagjinare tek “Sami Frashëri” dhe “5 Maji”

Në një postim që ka bërë në rrjetet sociale Tabaku thotë se në nuk po bëhet asnjë punim në projektin e ndërtimit të shkollës.
Featured image of article: “4 pyetjet për Kryebashkiakun’/ Jorida Tabaku publikon VIDEON: Pamjet e filmuara sot në kantieret imagjinare tek “Sami Frashëri” dhe “5 Maji” Jorida Tabaku

TIRANË- Ish-deputetja e Partisë Demokratike, Jorida Tabaku ka publikuar sot një tjetër video në lidhje me projektin e ndërtimit në shkollën Sami Frashëri si dhe në lagjen ‘5 Maji’ në Tiranë. Në një postim që ka bërë në rrjetet sociale Tabaku thotë se në nuk po bëhet asnjë punim në projektin e ndërtimit të shkollës. Po ashtu Tabaku i ka drejtuar edhe 4 pyetje Kryetari të Bashkisë, Erion Veliajt, ku i këkkon të përgjigjet në lidhje me fondet që janë dhënë për shkollën “Sami Frashëri.”

POSTIMI:

Pamjet më poshtë janë marrë sot në mëngjes në dy nga kantieret imagjinare të Rilindjes. Ku ndërtohen shtëpi imagjinare, rrugë dhe porte në 3D apo aeroporte qe duhet te kishin përfunduar vite më parë. Por sapo kamerat largohen nga kantieret imagjinare, gjithçka i rikthehet heshtjes dhe shesheve të premtimeve të pambajtura. Fakt mbetet që një vit pas tërmetit janë ndërtuar gjithsej 48 shtëpi nga 3389 te kontraktuara për rindërtim. Sikundër lagjet e reja apo aeroportet anë e mbanë Shqipërisë ekzistojnë vetëm në një folder special në USB-në e Arben Ahmetaj.

Premtimet e pambajtura dhe kjo qeveri janë binom i pandashëm. Sado të mundohen, videomontazhet nuk e fshehin dot dështimin dhe korrupsionin që ka shoqëruar në çdo hap procesin e rindërtimit. Sot sërish dua të ndalem tek procedura e shembjes së gjimnazit “Sami Frashëri” për t’i drejtuar kryetarit të bashkisë këto pyetje që kanë mbetur ende pa përgjigje:

Për më shumë bëhu pjesë e grupit më viral në Facebook, Dosja.al

1. A u rehabilitua Sami Frasheri pak muaj para se të shembej ndonëse EV tha që do rrojë me vite?

2. Me çfarë fondesh po ndërtohet Sami Frashëri? Veliaj dhe Ahmetaj thanë me fonde të BE, ndërkohë që BE thotë që nuk po ndërton asnjë shkollë në Tiranë me fondet e saj.

3. A është shpallur në buletinin e datës 27 Mars projektimi i ndërtimit të shkollës Sami Frashëri dhe anulluar me datë 21 Prill? Që do të thotë se kur u prish me datë 24 Prill nuk kishte një projekt…

4. Në ç’sirtar ka përfunduar procedura e përfunduar e tenderit për shkollën Sami Frashëri? Pse nuk është bërë publike? ER dhe EV duhet ta kenë dhe përgjigjen pse shkollat e tyre janë me kosto 4,5mln euro dhe të BE 700 000 euro. Më poshtë pamjet nga “sheshet e ndertimit” tek gjimnazi “Sami Frashëri” dhe kompleksi 5 maji.

(A.k.dosja.al)

Etiketa:

Shto Koment