Aktualitet

‘Për 17 mijë £ të çoj në Angli’/ Trafikanti nga Hasi ‘kapet’ nga gazetarja, qesh me fatin e 39 viktimave: Short i keq

Kastrijot Ahmati është shqiptari i cili akuzohet se ishte shoferi i cili bën trafikimin të paligjshëm të shqiptarëve drejt Anglisë.
Featured image of article: ‘Për 17 mijë £ të çoj në Angli’/ Trafikanti nga Hasi ‘kapet’ nga gazetarja, qesh me fatin e 39 viktimave: Short i keq Kastrijot Ahmati

Angli-Pas ngjarjes së rëndë që ndodhi në Angli, ku brenda një kamioni u gjendën 39 viktima kanë dalë detaje të reja në lidhje me trafikimin e paligjshëm të emigrantëve drejt Anglisë.

“Daily Mail” ka zbuluar një shqiptar, i cili bën transport klandestinësh nga Shqipëria drejt Anglisë.  Daily Mail shkruan se ai është Kastrijot Ahmati dhe jeton në Walthamstow, në Londrën Veri-Lindore. Ai njihej nga të gjithë me pseudonimin “Kace Kace“. Për lajmin tragjik me 39 viktima breda kamionit ai është shprehur në rrjetet sociale se “ky ishte shorti”.

Foto të Kastrijot Ahmatit

Lidhja e ngushtë me rrjetet sociale:

Ahmati është një nga adminët e faqes së quajtur “Shqiptarët në Londër” në rrjetin social Facebook, e cila ka më shumë se 16,000 ndjekës. Nga kjo faqe, ai nxirrte njoftime për të gjithë shqiptarët që dëshironin të shkonin për të jetuar në Angli.

Kur një reportere e fshehtë (e Daily Mail) kontaktoi me të, ai i tha se atij i duhej të paguante 17,000 paund për  “letra false” që do t’i lejonin asaj të fluturonte nga kryeqyteti shqiptar, Tirana drejt Anglisë.

Përndryshe, ai kërkonte të paguhej 14,000, për t’a vendosur atë në pjesën e pasme të një kamioni nga Belgjika (nga ku ishte nisur edhe kamioni me 39 personat që u gjetën të vdekur), pra për të udhëtuar me kamion. Vetëm dy ditë pas zbulimit të kamionit me 39 viktima, Ahmati i tha reporteres së fshehtë se udhëtimi nga Belgjika mund të zgjasë nga 12 deri në 16 orë, në varësi vonesës së tragetit.

Pak ditë më parë u gjet një kamion me 39 viktima një park Essex në Angli, dhe deri më tani është arrestuar shoferi 25-vjeçar i mjetit të transportit. Tanimë autoritetet britanike po punojnë për identifikimin e “pasagjerëve”.

J.V/Dosja.al

Shto Koment