Rajoni

3-vjetori i vdekjes së Astrit Deharit/ Kim Mehmeti publikon foton prekëse, e bija vendos lule tek varri i të atit

  • FOTOT/ 3 vite nga vdekja e Astrit Deharit, e bija përlot të gjithë teksa i çon lule tek varri
  • Përmes një postimi në Facebook, Mehmeti ka ndarë momentin e dhimbshëm ku e bija e Astritit vendos lule tek varri i të atit.
    Featured image of article: 3-vjetori i vdekjes së Astrit Deharit/ Kim Mehmeti publikon foton prekëse, e bija vendos lule tek varri i të atit E bija e Astrit Deharit duke vendosur lule tek varri i të atit

    KOSOVË– Analisti Kim Mehmeti ka reaguar në 3-vjetorin e e vdekjes së Astrit Deharit, aktivisti i Lëvizjes Vetëvendosje që u gjet i pajetë tre vite më parë në qelinë paraburgimit në Prizren.

    Përmes një postimi në Facebook, Mehmeti ka ndarë momentin e dhimbshëm ku e bija e Astritit vendos lule tek varri i të atit. Kim Mehmeti shkruan se: “Sot duhet ta rikujtojmë se nuk ka të ardhme populli i pandjeshëm ndaj vrasjes së pafajësisë rinore. E në ndërkohë, shqiptarët e Kosovës, si edhe të Maqedonisë duhet ta dinë se shpërlarja e borxhin ndaj ëndrrave të varrosura rinore bëhet vetëm nëpërmjet çlirimit të asaj rinie nga robëria e ‘komandantëve’ të deridjeshëm”. 

    Postimi i plotë i Kim Mehmetit: 

    Sot, në trevjetorin e vdekjes së Astrit Deharit, duhet të përballemi me të vërtetën se Kosova u çlirua nge thundra okupuese serbe, por jo edhe nga mendësia millosheviqiane, që kundërshtarët politik t’i asgjësosh edhe fizikisht, duke i shpallur ata terroristë! Dhe sot duhet ta rikujtojmë se nuk ka të ardhme populli i pandjeshëm ndaj vrasjes së pafajësisë rinore. E në ndërkohë, shqiptarët e Kosovës – si edhe të Maqedonisë – duhet ta dinë se shpërlarja e borxhin ndaj ëndrrave të varrosura rinore bëhet vetëm nëpërmjet çlirimit të asaj rinie nga robëria e ‘komandantëve’ të deridjeshëm, e politikan të përjetshëm të sotëm, që duan t’u takojë edhe lavdia e djeshme edhe hajnia e sotme, të cilët pra nuk e kanë kuptuar se kur je injorantë dhe i pavlerë, si dhe kur ‘lavdinë’ e djeshme e përdorë si ‘kartë-kredie’ për ta mbuluar hajninë dhe për ta blerë të sotmen kriminale politike, herdo-kurdo ‘kartela’ të zbrazet dhe përballesh me të vërtetën se nuk ka pasuri apo pushtet, që ta mbulon ‘varfërinë’ morale dhe njerëzore!

    Astrit Dehari, aktivist i Lëvizjes Vetëvendosje u gjet tre vite më parë i pajetë në qelinë e paraburgimit në Prizren. Nga autopsia vendase rezultoi se Dehari u vetëvra, por për shkak të dyshimeve, familja dhe VV kërkoi një ekspertizë nga Qendra Universitare i Mjekësisë Ligjore në Lozanë të Zvicrës. Nga hetimet e kryera nga instituti i huaj, rezulton se aktivisti është vrarë teksa ndodhej në qendrën e paraburgimit në Prizren.

    (a.m/dosja.al)

    Shto Koment