Aktualitet

COVID-19 prek spitalet private, 2 viktima në më pak se 24 orë në spitalin Infektiv, shtohet numri i rasteve të reja, shumica e të prekurve janë personel mjekësor (SITUATA)

  • COVID-19 prek edhe spitalet private! Zonat e kuqe në Tiranë…
  • 21 raste pozitive me koronavirus në Shqipëri, 6 prej të cilëve janë mjekë dhe infermierë. MSH bëri me dije ditën e sotme se numri total i të infektuarve ka shkuar në 1164 dhe janë shëruar 891 pacientë. Harta e të prekurve është zgjeruar me 14 raste në Tiranë, 3 raste në Krujë, 1 në Durrës, 1 në  Shkodër, 1 në Kamëz, 1 në Mallakastër. Virusi ka prekur edhe spitalet private. Ndërkohë brenda 24 orëve janë shënuar edhe 2 viktima, të cilët po merrnin mjekim në spitalin Infektiv.
    Featured image of article: COVID-19 prek spitalet private, 2 viktima në më pak se 24 orë në spitalin Infektiv, shtohet numri i rasteve të reja, shumica e të prekurve janë personel mjekësor (SITUATA) Rovena Daja, ISHP

    SHQIPERI- 21 raste të reja me COVID-19 gjatë orëve të fundit. Ministria e Shëndetësisë bëri me dije ditën e sotme se pas testimit të 243 personave të dyshuar, vetëm 21 prej tyre kanë rezultuar me COVID-19. Rovena Daja nga ISHP bëri me dije se harta është zgjeruar me 14 raste në Tiranë, 3 raste në Krujë, 1 në Durrës, 1 në  Shkodër, 1 në Kamëz dhe 1 në Mallakastër. Mes të infektuarve 6 janë personel mjekësor, të cilët punojnë në qendrën Shëndetësore nr.9 në Tiranë. Ndërkohë të infektuar ka edhe në spitalit private të kryeqytetit. Burime për Dosja.al bëjnë me dije se është prekur nga COVID-19 një punonjës i një spitali privat. 

    Sakaq, gjatë orëve të fundit janë shënuar edhe dy viktima. Viktima e parë u shënua mbrëmjen e djeshme, ku humbi jetën një 88-vjeçar i infektuar tek Infektivi. Sipas MSH-së i moshuari humbi jetën si pasojë e atakut kardiak. Ndërsa mëngjesin e sotëm humbi jetën një 62-vjeçar në këtë spital, i cili  vuante nga ceroza në mëlçi. Aktualisht tek Infektivi po trajtohen 27 të prekur, nga të cilët 4 janë në terapi intensive, njëri prej tyre është i intubuar.  Në 24 orët e fundit janë shëruar 14 qytetarë, duke e çuar në 891 numrin e të shëruarve.

    Njoftimi i ministrisë:

    COVID-19/ Ministria e Shëndetësisë: 21 raste të reja, shkon në 1164 numri i të prekurve 891 të shëruar që nga fillimi i epidemisë. 240 raste aktive në të gjithë vendin Dr. Rovena Daja Instituti i Shëndetit Publik Ju informojmë rreth situatës së COVID 19 në Shqipëri.
    Kanë vazhduar testimet dhe puna intensive në Laboratorin e Virologjisë në ISHP për të dyshuar të prekur me Covid19.  Në 24 orët e fundit janë kryer 243 testime në nga të cilat janë konfirmuar 21 raste pozitive, përkatësisht janë 14 në Tiranë, 3 raste në Krujë, ndërsa në Durrës, Shkodër, Kamëz, Mallakastër kemi nga një rast të prekur me Covid19. Janë testuar 45 personel shëndetësor nga të cilët kanë rezultuar pozitivë 6 raste.
    Rastet e identifikuara në 24 orët e fundit janë kryesisht kontakte te zbuluara nga hetimi i kryer dhe disa raste të reja për të cilat po vijon te kryhet hetimi epidemiologjik.
    Aktualisht po trajtohen 27 të prekur në spitalin infektiv, nga të cilët 4 janë në terapi intensive, njëri prej tyre është i intubuar. Nje pacient 62-vjeçar ka ndërruar jetë në spitalin Infektiv. Referuar shërbimit infektiv, 62-vjeçari ishte bartës asimptomatik i COVID19 dhe vuante nga ciroze hepatike, spok, insuficiencë e rendë kardiake, diabet, hipertension. Shkaku i humbjes së jetëë, sipas shërbimit infektiv, nuk është COVID19, por nga ciroza hepatike e stadit të fundit. Në 24 orët e fundit janë shëruar 14 qytetarë, duke e çuar në 891 numrin e të shëruarve. Nga fillimi i epidemisë janë kryer mbi 16500 testime molekulare dhe serologjike dhe janë konfirmuar pozitivë 1164 raste. Aktualisht janë 240 persona aktivë me COVID19, kryesisht ne Tiranë, Durrës dhe Krujë.
    Ministria e Shëndetësisë dhe Mbrojtjes Sociale fton qytetarët të tregohen të kujdesshëm, respektuar rregullat e vendosura, për të ruajtur veten dhe të afërmit. Mos neglizhoni shenjat e sëmundjes dhe për çdo shqetësim telefononi në numrin unik të Urgjencës Kombëtare, 127. Për informacion në lidhje me COVID19 dhe këshillim psikologjik, ju lutemi, telefononi në linjën e gjelbër 0800 40-40.

    COVID-19 – Statistika (2 Qershor 2020)
    Testime totale 16520

    Testime molekulare 15068

    Testime serologjike 1452

    Raste pozitive 1164

    Raste të shëruara 891

    Raste Aktive 240

    Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)

    Shpërndarja gjeografike e rasteve aktive është si vijon:
    Tiranë 157

    Për më shumë bëhu pjesë e grupit më viral në Facebook, Dosja.al

    Durrës 20

    Krujë 20

    Kamëz 11

    Shkodër 10

    Mat 9

    Lushnje 6

    Berat 2

    Fier 2

    Korçë 1

    Librazhd 1

    Mallakastër 1

    J.V/Dosja.al

    Shto Koment