Aktualitet

“200 lekë sufllaqja, i bie të bëhem vrasës me pagesë”, emigrantët e karantinuar në Gjirokastër në pikë të hallit, në Durrës paguhen shumëfish, shqiptari: Air Albania tha ta shkruanim emrin 4 herë

Ata deklarojnë se kanë pranuar që të strehohen në hotele me shpenzimet e tyre, sepse nuk kishin zgjedhje tjetër, por që tashmë nuk kanë para për të blerë as ushqim.
Featured image of article: “200 lekë sufllaqja, i bie të bëhem vrasës me pagesë”, emigrantët e karantinuar në Gjirokastër në pikë të hallit, në Durrës paguhen shumëfish, shqiptari: Air Albania tha ta shkruanim emrin 4 herë Sufllaqe, avion i "Air Albania, hotel dhe dogana

SHQIPËRI– Emigrantët shqiptarë, që janë kthyer nëkohë karantinimi dhe sipas urdhërave të dhënë nga kryeministri Edi Rama janë futur në karantinë për 14 ditë, kërkojnë ndihmë nga qeveria. Ata deklarojnë se kanë pranuar që të strehohen në hotele me shpenzimet e tyre, sepse nuk kishin zgjedhje tjetër, por që tashmë nuk kanë para për të blerë as ushqim.

Në një lidhje telefonike në Report Tv, me gazetaren Aida Tancica, ata rrëfejnë se edhe pse në testet e bëra për Covid-19, kanë rezultuar negativë, duhet të vijojnë karantinimin por nuk kanë para.

Janë 22 shqiptarë që po qëndrojnë në hotel në Gjirokastër të karantinuar me detyrim që thonë se nuk po munden të përballojnë çmimet e ushqimit, pasi edhe sufllaqja ka shkuar 200 lekë.

Madje njëri deklaron se ka qenë në Itali për vizitë dhe më pas ka shkuar në Greqi. Pasi ka bërë 14 ditë karantinim në Greqi, ka ardhur në Shqipëri, ku duhet të bëjë të njëjtën gjë, por Pëllumb Kadiu, nuk ka më para.

Një të ardhur këtu, më morën me këta më thanë bëj 14 ditë. Unë jam vetë i 4 familjar dhe kam dy fëmijë tek shtëpia dhe gruan dhe unë marr 40 mijë lekë të vjetra asistencë. Ku t’i marr ato lekë, të paguaj hotelit, të ha të pi. Kështu i bie të dal të bëhem vrasës me pagesë a diçka tjetër. Ai i fast food thotë 2 mijë lekë një sufllaqe e një sanduiç,”– thotë Kadiu.

Lino Veizaj, i ardhur nga Greqia tha se nuk ka më asnjë lekë për të blerë ushqime.

S’kemi më as lek,ë asgjë. Edhe këtu që na bënin analizat na kanë dalë negativë, për çfarë na mbajnë këtu?”– shton ai.

Veizaj thekson më tej se qëndrojnë 1 ose 2 veta në një dhomë ku paguajnë 20 mijë lekë të vjetra nata, dhe se ushqimin e porosisin në Fast-Food përmes një numri që i kanë lënë autoritetet.

Për më shumë bëhu pjesë e grupit më viral në Facebook, Dosja.al

Unë e pranova sepse ishte me kundërshtim, se thonin o do shkosh atje (në hotel), ose nuk kalon kufirin. Tani ne nuk kemi asnjë të ardhur, ku t’i marrim këto lekë.  Hotelin e kemi bërë kontratë 20 mijë lekë, i bie afërsisht 300 mijë lekë, ku kemi leke në, ne për hall vemi në Greqi. Ndodhemi 22 veta. Jemi të gjithë ne, jemi mbledhur në korridor, s’kemi lekë të hamë, familja nuk ka lekë të na dërgojë, ku të shkojmë. Vetëm këtu të shkallojmë të hidhemi nga kati i dytë, ku të shkojmë. Pse mos të rrimë në shtëpi tonë. Këtu ka nga Shkodra, nga Laçi.  Të na çojnë në shtëpi, të rrimë në shtëpinë tonë, pse të rrimë rrugëve, tani ne lekët na mbaruar. Ne kemi edhe 8 ditë, shtyhet këtu 8 ditë pa ngrënë.  Është ushtria poshtë, nuk lejohemi të dalim. Në dhoma jemi nga një nga dy veta. Sëmundja do të vijë nga që s’kemi çfarë të hamë, edhe vdekja do na vijë ngaqë s’kemi çfarë të hamë. Ne nuk jemi të sëmurë, pse të vdesim për të ngrënë. Kosto ditore vete 10 mijë lekë, një kafe do ta pish, porositë i bëjnë nëpër një Fast-Foodi, na dhanë një numër. Ai i fast foodit na i sjell, i japim lekët. Nga sot e mbrapa nuk kemi më çfarë të marrë.  Ne kur firmosëm thanë do paguani fjetjen ushqimet i jep shteti tre vakti. Rron robi me një bukë për 5 ditë,”- përfundon Veizaj.

Por ushqimi nuk është problemi i vetëm. Për një nga të riatdhesuarit është bërë kusht që të paguajë katër shtretër, duke paguar jo 7 euro në ditë, por plot 28 euro, sikur të ishte vetë i katërti.  Madje emigranti deklaron më tej se ka paguar katër bileta për të ardhur, pasi i kanë thënë që ta shkruajmë emrin e tij katër herë.

 “Unë udhëtoj vetëm, dhomat teke, dyshe e treshe janë të gjitha të zëna, kështu që pranova të prenotoj një dhomë katërshe. Por, kur kalova tek faza e prenotimit të fluturimit online, sipas kërkesave të qeverisë, në sajtin e Air Albania-s më kërkojnë të blej 4 bileta, aq sa janë shtretërit e prenotuar. Telefonova në Air Albania dhe më konfirmuan se kjo është procedura dhe ata nuk mund të bëjnë asgjë: prenotova një dhomë katërshe, kështu që duhet të paguaj 4 bileta avioni. për të ardhur duhet të shkruaj emrin katër herë,”– tha emigranti në njëlidhje telefonike për Report TV, i cili preferon të mbetet anonim.

Një ditë më parë, Ministrja e Infrastrukturës dhe Energjisë, Belinda Balluku ka sqaruar mënyrën sesi do të bëhet riatdhesimi i shqiptarëve që kanë ngelur nëpër vendet e ndryshme të botës. Balluku tha se qytetarët që do të kthehen nga jashtë do të paguajnë 7 euro në ditë për ushqimin, ndërsa fjetjen do e paguajë shteti. Ministrja sqaroi gjithashtu se bileta e avionit ka kosto të ndryshme në varësi të vendit.

Si do të bëhet aplikimi:

Fillimisht çdo emigrant që dëshiron të kthehet në atdhe duhet të rezervojë për 14 ditë hotelin në Shqipëri dhe pagesën e ushqimit do ta kryejë vetë. Pasi është bërë rezervimi i hotelit, qytetari do të marrë një kod personal dhe përmes këtij kodi do të hyjë sërish në faqen e “Air Albania” ku do të bëjë dhe aplikimin dhe për biletën e ardhjes. Personat që do të aplikojnë sot, do të vijnë të shtunën në atdhe.

(f.m/dosja.al)

Shto Koment