Aktualitet

20-vjeçarja nga Gjirokastra ndërroi jetë vetëm pak pas lindjes, familjarët vënë kujën: E morën në qafë mjekët, kishte dhimbje por se ndihmoi njeri

Ngjarja ka ndodhur orët e para të mëngjesit të sotëm në maternitetin e Gjirokastrës, disa minuta pasi e reja ka sjellë në jetë fëmijën e saj.
Featured image of article: 20-vjeçarja nga Gjirokastra ndërroi jetë vetëm pak pas lindjes, familjarët vënë kujën: E morën në qafë mjekët, kishte dhimbje por se ndihmoi njeri Foto ilustruese

GJIROKASTËR– E reja Klea Muxhaj, vetëm 20 vjeç, ka ndërruar jetë mëngjesin e sotëm për shkak të komplikacioneve që ka hasur pas lindjes së fëmijës së saj të parë. Ngjarja ka ndodhur orët e para të mëngjesit të sotëm në maternitetin e Gjirokastrës, disa minuta pasi e reja ka sjellë në jetë fëmijën e saj. Prindërit e babait të fëmijës, vjehërrit e 20-vjeçares kanë fajësuar mjekët e spitalit për neglizhencë, duke pretenduar se e bija e tyre nuk kishte probleme shëndetësore.

“Soktori tha do e shoh nesër se gjendja është e mirë. infermierja tha se kishte bllokim në frymëmarrje. Nuk mund të ndodhë kjo. Na kanë lajmëruar në orën 4:30. Njëri thotë ka pasur hemoragji, tjetri thotë se kishte probleme me frymëmarrjen. Nuk e di se çfarë duan të mbulojnë,”-tha kunati i të resë. Ndërsa vjehrra e saj u shpreh se vajza ka qënë në gjendje të mirë, dhe se gratë e tjera të dhomës, i kishin treguar se kishte pasur dhimbje por nuk e kishte ndihmuar askush.

Vajza ka qënë shtatzënë dhe jemi lidhur me një doktor. Na ka thënë mbrëmë që duhet të bëhet operim. Doli për një orë, mt tha se ishte mirë. Më foli nusja, më tha se jam mirë. I thashë se do të të vijë mami me djalin për pak. Më morën në telefon dhe më thanë se ishtë përkeqësuar nusja. Gratë e tjera thonë se ka pasur dhimbje dhe nuk kishte njëri në krahë,”-tha vjehrra e saj.

Për më shumë bëhu pjesë e grupit më viral në Facebook, Dosja.al

Ngjarja e rëndë ka ndodhur në orët e para të mëngjesit të sotëm në Gjirokastër, ku 20-vjeçarja ndërroi jetë pak pas lindjes me operacion. Sipas mjekëve të maternitetit, foshnja ka qenë në një pozicion kryq në barkun e nënës gjë që i ka shkaktuar asaj probleme. Ndërsa prindërit e të resë pretendojnë për neglizhencë nga ana e mjekëve. Foshnja i porsalindur është në gjendje shumë të mirë shëndetësore.

(k.m/dosja.al)

Shto Koment