Politike

‘2 muaj para zgjedhjeve shpërndarë 40 mln euro’/ Bashkia e Durrësit i përgjigjet PD: S’ka të bëjë me votimet! Ta ndërprisnim rindërtimin?

  • PD: 2 muaj para zgjedhjeve u dhanë 40 mln euro për familjet e prekura nga tërmeti
  • Bashkia e Durrësit ka hedhur poshtë pretendimet duke retenduar se dëmshpërblimi ka nisur që në dhjetor të vitit 2019 dhe në shumën e shpërndarë përfshihet edhe bonusi i qerasë.
    Featured image of article: ‘2 muaj para zgjedhjeve shpërndarë 40 mln euro’/ Bashkia e Durrësit i përgjigjet PD: S’ka të bëjë me votimet! Ta ndërprisnim rindërtimin? Oerd Bylykbashi dhe Bashkia e Durrësit

    DURRËS– Bashkia e Durrësit i është përgjigjur akuzave të Partisë Demokratike se brenda muajve mars-prill kanë shpërndarë 40 milionë euro për familjet e prekura nga tërmeti i nëntorit 2019, për t’u marrë votën më 25 prill. Në reagimin zyrtar, Bashkia e Durrësit ka hedhur poshtë pretendimet duke retenduar se dëmshpërblimi ka nisur që në dhjetor të vitit 2019 dhe në shumën e shpërndarë përfshihet edhe bonusi i qerasë.

    “Dhënia e këtij granti familjeve të Durrësit që do të rregullojnë shtëpitë e tyre është një nga etapat e procesit të rindërtimit i cili përfshin edhe dhënien e bonusit të qerave, rindërtimin e pallateve dhe banesave individuale, rikonstruksionin e ambienteve të përbashkëta të pallateve, rindërtimin e shkollave e kopshteve, riforcimin për pallatet me shkallë dëmi DS4. I gjithë procesi i rindërtimit ka nisur në dhjetor 2019 dhe vijon pa ndërprerje edhe tani. Dhënia e grantit për rikonstruksion familjeve të prekura nga tërmeti ashtu si të gjitha proceset e tjera të rindërtimit nuk kanë të bëjnë fare me zgjedhjet apo me votat por ka të bëjë me strehimin sa më të shpejtë të familjeve të mbetura pa shtëpi dhe me kthimin e qytetit në normalitet pas atij tërmeti tragjik. Mos vallë opozita apo ata që shkruajnë lajme të tilla dëshironin që katër muajt e parë të vitit 2021 të ndërpritej procesi i rindërtimit dhe familjet durrsake të vazhdonin të qëndronin jashtë sepse qenka fushata dhe zgjedhjet?!,”-shkruhet ndër të tjera në reagimin e tyre.

    Reagimi i Bashkisë së Durrësit:

    Nëpër medie të ndryshme është përhapur një lajm sipas të cilit Bashkia e Durrësit ka shpërndarë grantin e rikonstruksionit për familjet e prekura nga tërmeti, në muajt mars dhe prill dhe se këto paskan qenë lekë për vota, pra pretendohet që proçedurat e ligjshme të proçesit të rindërtimit mund të ketë qëne ndikuese në proçesin zgjedhor. Bashkia e Durrësit kërkon të sqarojë opinionin publik se procesi i shpërndarjes së grantit për rikonstruksion ka nisur që në fillim të vitit 2020 dhe është kryer sipas të gjitha procedurave të përcaktuara me VKM si dhe të miratuara në këshillin bashkiak me transparencë të plotë, pasi këto vendime janë të publikuara të gjitha në faqen zyrtare të bashkisë, ndërkohë që procesi vijon edhe këtë vit. Dhënia e këtij granti familjeve të Durrësit që do të rregullojnë shtëpitë e tyre është një nga etapat e procesit të rindërtimit i cili përfshin edhe dhënien e bonusit të qerave, rindërtimin e pallateve dhe banesave individuale, rikonstruksionin e ambienteve të përbashkëta të pallateve, rindërtimin e shkollave e kopshteve, riforcimin për pallatet me shkallë dëmi DS4. I gjithë procesi i rindërtimit ka nisur në dhjetor 2019 dhe vijon pa ndërprerje edhe tani. Bashkia Durrës po vijon proçesin e rindërtimit referuar Aktit normativ nr.9, datë 16.12.2019 “Për Përballimin e Pasojave të Fatkeqësisë Natyrore” dhe akteve nënligjore në zbatim të tij. Dhënia e grantit për rikonstruksion familjeve të prekura nga tërmeti ashtu si të gjitha proceset e tjera të rindërtimit nuk kanë të bëjnë fare me zgjedhjet apo me votat por ka të bëjë me strehimin sa më të shpejtë të familjeve të mbetura pa shtëpi dhe me kthimin e qytetit në normalitet pas atij tërmeti tragjik. Mos vallë opozita apo ata që shkruajnë lajme të tilla dëshironin që katër muajt e parë të vitit 2021 të ndërpritej procesi i rindërtimit dhe familjet durrsake të vazhdonin të qëndronin jashtë sepse qenka fushata dhe zgjedhjet?! Gjithashtu në lajm thuhet se në 2021 janë shpërndarë grant rikonstruksioni për 4294 familje por nuk thuhet (pa dashje apo me dashje) se sa janë familjet që kanë përfituar këtë grant në vitin 2020. E pra për të qenë deri në fund transparent, ashtu siç është Bashkia e Durrësit kundrejt të gjithë qytetarëve, në vitin 2020 kanë përfituar 10697 familje grantin e rikonstruksionit dhe në gjysmën e parë të vitit 2021 kanë përfituar 4294 familje. Nga këto shifra të cilat janë transparente dhe kushdo gazetar apo media që do ti duhen mund ti marrë lehtësisht në institucionin tonë apo ti shohë në faqen zyrtare të bashkisë, vihet re se shpërndarja e grantit të rikonstruksionit ka patur një rrjedhë krej normale gjatë vitit 2020 dhe në gjysmën e parë të vitit 2021. Po kështu edhe etapat e tjera të procesit të rindërtimit kanë vijuar pa u ndalur. Janë riparuar ambientet e përbashkëta të rreth 450 pallateve, vijon ndërtimi i 500 banesave individuale disa prej të cilave kanë mbaruar, vijon shpërndarja e granteve për rikonstruksion dhe e bonusit të qerave, 14 shkolla të reja janë rindërtuar dhe 10 janë në proces e po kështu vijon dhe procesi i riforcimit të godinave DS4 dhe rindërtimi i pallateve aty ku ishin më parë ku dy prej tyre janë në vazhdim ndërkohë që shumë shpejt fillojnë edhe të tjerët. Po kështu ka filluar puna edhe për lagjen e re në Spitallë dhe në Manzë.

    Për më shumë bëhu pjesë e grupit më viral në Facebook, Dosja.al

    Sipas logjikës të atyre që urdhëruan artikullin dhe të atyre që e shkruan, katër muajt e parë të 2021 procesi i rindërtimit duhej ndërprerë, pra nxënësit nuk duhej të hynin në shkollat e reja dhe mijëra familje duhej të qëndronin jashtë se nuk marrin dot grantin për të riparuar apartamentet apo qindra familje të tjera nuk duhej të hynin në banesat e reja individuale por të flinin në çadra sepse përndryshe u konsideroka skemë për të marrë vota?! Bashkia e Durrësit kërkon të sigurojë të gjithë qytetarët se procesi i rindërtimit vijon me ritme të shpejta dhe nuk ndërpritet nga balta që hedhin ata që kalojnë nga humbja në humbje. Ky proces rindërtimi bëri të mundur ringritjen e qytetit dhe në pranverën e 2022 gjithçka do të përfundojë. Ringritja dhe transformimi i Durrësit janë një realitet që e shohin dhe e përjetojnë të gjithë qytetarët e Durrësit.

    Kandidati për deputet në listën e Durrësit, Oerd Bylykbashi tha sot nga selia blu se në javën zgjedhore, bashkia e Durrësit ndau 6 milionë euro për familjet e dëmtuara nga tërmeti, 89 herë më shumë se sa ka shpërndarë në 15 muajt e fundit. Madje shtoi se kanë rritur në mënyrë fiktive vlerën e dëmeve të shkaktuara nga tërmet me qëllim blerjen e votave të familjeve të prekura.

    (k.m.dosja.al)

    Një Koment në “‘2 muaj para zgjedhjeve shpërndarë 40 mln euro’/ Bashkia e Durrësit i përgjigjet PD: S’ka të bëjë me votimet! Ta ndërprisnim rindërtimin?

    1. Keta jane te gjithe per ne burg. Shkelin me te dy kembet kodin dhe pretendojne qe jane ne te drejten e tyre. Pse nuk paguan javen e pare te muajit, por ne javen para zgjedhjeve. Aty duhet te shkoj KLSH dhe SPAk dhe te bej sekuesto dosjet e vendimeve. Aty del makarada e ketij pushteti qe i trajton njerezit si dele. Por dhe ne “populli” kemi faj. Shitemi shume lire.

    Shto Koment