Aktualitet

14  raste të reja me COVID-19 gjatë 24 orëve të fundit, harta zgjerohet në 4 qytete (SHIFRAT)

VIDEO
Shkon në 1246 numri i të infektuarve në vend. Gjatë orëve të fundit janë konfirmuar me 14 persona pozitivë. Harta është zgjeruar me 10 raste në Tiranë, 2 raste në Shkodër, 1 në Krujë, 1 në Durrës. Ndërkohë, numri i të shëruarve ka shkuar në 938.
Featured image of article: 14  raste të reja me COVID-19 gjatë 24 orëve të fundit, harta zgjerohet në 4 qytete (SHIFRAT) Genta Qirjako nga Instituti i Shëndetit Publik

Shqipëri- 14  raste të reja me COVID-19 gjatë 24 orëve të fundit. Ministria e Shëndetësisë njoftoi ditën e sotme se gjatë 24 orëve të fundit janë testuar 193 persona dhe vetëm 14 prej tyre kanë rezultuar pozitivë. Harta është zgjeruar me 10 raste në Tiranë, 2 raste në Shkodër, 1 në Krujë, 1 në Durrës. Numri total i të infektuarve ka shkuar në 1246. Genta Qirjako nga Instituti i Shëndetit Publik njoftoi më tej se në spitalin infektiv janë 30 pacientë, nga të cilët 6 janë në terapi intensive, 2 prej tyre jane të intubuar. Gjatë 24 orëve të fundit janë shëruar 13 qytetarë, duke e çuar në 938 numrin e të shëruarve që nga fillimi epidemisë. Lajm i mirë është se gjatë orëve të fundit nuk ka humbur jetën asnjë person dhe numri i viktimave është 33.

Njoftimi i ministrisë së Shëndetësisë:

COVID-19/ Ministria e Shëndetësisë: 14 raste të reja dhe 13 të shëruar në 24 orët e fundit Shtohen rastet në spitalin infektiv, shkon në 1246 numri i të prekurve nga fillimi i epidemisë Genta Qirjako Instituti i Shëndetit Publik Ju informojmë rreth situatës së COVID 19 në Shqipëri, në 24 orët e fundit. Kanë vijuar testimet në Laboratorin e Virologjisë në ISHP për të dyshuar të prekur me Covid19 dhe vazhdon puna intensive e epidemiologëve në terren për gjurmimin aktiv të rasteve. Në 24 orët e fundit janë kryer 193 testime nga të cilat janë konfirmuar 14 raste pozitive, përkatësisht, 10 raste në Tiranë, 2 raste në Shkodër, 1 në Krujë, 1 në Durrës.

Rastet e konfirmuara në 24 orët e fundit janë kontakte familjare te rasteve pozitive dhe disa raste të reja në proces hetimi. Pjesa më e madhe e të prekurve në 24 orët e fundit janë simptomatikë, me shenja klinike të Covid19. Vijon të ketë shtrime të reja dhe rritje te rasteve në spitalin infektiv, ku aktualisht po trajtohen 30 të prekur, nga të cilët 6 janë në terapi intensive, 2 prej tyre jane të intubuar.

Gjatë 24 orëve të fundit janë shëruar 13 qytetarë, duke e çuar në 938 numrin e të shëruarve që nga fillimi epidemisë. Në vendin tonë janë aktualisht 274 persona aktivë me COVID19, rreth 70% e të cilëve janë në Tiranë.

Nga fillimi i epidemisë janë kryer mbi 18 mijë testime molekulare dhe serologjike dhe janë konfirmuar pozitivë 1246 raste. Në Laboratorin e Mikrobiologjisë në QSUT janë kryer 2035 testime serologjike në personel shëndetësor, me një pozitivitet të përgjithshëm rreth 7 %. Ministria e Shëndetsisë dhe Mbrojtjes Sociale ju fton për t’u treguar të kujdesshëm për respektimin e distancës fizike me njëri-tjetrin dhe ruajtjen e higjienës vetjake.
Nëse keni shenja të sëmundjes telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për Covid19.

COVID-19 – Statistika (7 Qershor 2020)

Testime totale 18290

Testime molekulare 16255

Testime serologjike 2035

Raste pozitive 1246

Raste të shëruara 938

Raste Aktive 274

Për më shumë bëhu pjesë e grupit më viral në Facebook, Dosja.al

Humbje jete 34 (Qarku Tiranë 21, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë 187

Krujë 24

Shkodër 19

Kamëz 14

Durrës 10

Mat 9

Lushnje 6

Tropojë 2

Korçë 1

Librazhd 1

Mallakastër 1

J.V/Dosja.al

Shto Koment