Politike

107-vjetori i FA, Xhaçka dhe Meta falenderojnë heronjtë e heshur: Gjatë tërmetit kishit kontribut të vyer (VD)

Prej ditësh qindra forca të FA janë në terren duke ndimhuar të prekurit nga tërmeti. Ata ishin në aksion prej ditës së parë që shqipëria u shkund nga lëkundja e forta 6.4 rihter, ku ndihmuan dhjetëra persona të dilnin gjallë nga rrënojat.
Featured image of article: 107-vjetori i FA, Xhaçka dhe Meta falenderojnë heronjtë e heshur: Gjatë tërmetit kishit kontribut të vyer (VD) Ushtarët gjatë misionit të kërkim-shpetimit

TIRANË- Forcat e Armatosura sot shënojnë 107-vjetorin e krijimit të tyre. Ushtarët këtë herë nuk gjenden në misione paqeruajtëse në vende të huaja, por në vendin e tyre në pas goditjes nga tërmeti dhe shpalljes së gjendjes së jashtëzakonshme.

Prej ditësh qindra forca të FA janë në terren duke ndimhuar të prekurit nga tërmeti. Ata ishin në aksion prej ditës së parë që shqipëria u shkund nga lëkundja e forta 6.4 rihter, ku ndihmuan dhjetëra persona të dilnin gjallë nga rrënojat.

Sot në 107-vjetorin e Forcave të Armatosura, Presidenti Ilir Meta dhe Ministrja e Mbrojtjes, Olta Xhaçka kanë falenderuar heronjtë e heshtur të tërmetit.

Pak ditë më parë Shqipëria u përfshi nga një tërmet shkatërrues ku vdiqën 51 persona dhe 913 të tjetër mbetën të plagosur. Toka vijon të dridhet ndërsa viktimat u përcollën për në banesën e fundit. Mbi 400 efektivë të Forcave të Armatosura u angazhuan që në orët e para të ngjarjes së 26 nëntorit, ku shpëtuan më shumë se 50 perona nën rrënoja. Tashmë ka nisur puna për idenftifikimin e dëmeve dhe paralelisht po mblidhen fonde. Shumë godina janë shpallur të pabanueshme dhe ka nisur shembja e tyre.

(A.B. Dosja.al)

  • 10:03

    Letra prekëse e 10-vjeçares që tërmeti i shembi shtëpinë: Të dashur ushtarë, dua t’u tregoj sa xhan ju kam

    Sot shënohet 107-vjeotri i themelimit të Forcave të Armatosura. Në një postim në Facebook, ministrja e Mbrojtjes, Olta Xhaçka, ka falenderuar të gjithë efektivët në emër të të gjithë popullit, pasi sipas saj ata janë heronjtë e heshtur që mbërrijnë të parët kudo ku shqiptarët ndihen në vështirësi.

    “107-vjetori i gjen Forcat e Armatosura më pranë komunitetit se ndoshta kurrë më parë! Ndihmën e pazëvendësueshme të Forcave të Armatosura ndaj komunitetit e ka ndjerë këto ditë edhe Klea e vogël, shtëpia e së cilës u prek nga tërmeti i mëngjesit të 26 Nëntorit. Një popull i tërë ju është mirënjohës sot e gjithmonë, ju heronjve të heshtur që mbërrini të parët kudo ku shqiptarët ndihen në vështirësi. 107 vjet Forcë e Armatosur, simbol i përkushtimit dhe sakrificës! #107VjetFA🇦🇱”, shkruan ministrja Xhaçka.

    Më tej Xhaçka ka shpërndarë dhe një video, ku lexohet një letër e vogëlushes 10 vjeçare, Kleas, shtëpia e e cilës u shemb nga tërmeti dhe ajo ka falenderuar Forcat e Armatosura.

    Të dashur ushtarë, unë jam Klea dhe jam 9-vjeç, ditëlindjen e festova në ditën më të frikshme për cdo fëmijë. Fatmirësisht atë ditë ndodhesha të shtëpia e hallës në Tiranë sepse banojmë në katin e 10 në Durrës. Në mëngjes isha në gjumë dhe nuk e dija se ëfarë ndodhi, dëgjova babin që bërtiste me të madhe dhe më mori në krah. Jashtë ishte shumë ftohtë dhe shikoja njerëzit që po dilnin, nuk e kuptoja se cfarë ndodhi. Më në fund u futëm në shtëpi dhe mësova se shumë shtëpi janë prishur dhe njerëzit janë lënduar.

    Në ekran fillova të shikoj ushtarët që mbanin kapele me ngjyra dhe forma të ndryshme. Pyeta pak prindërit a kishte luftë? Se nuk kisha parë aq shumë ushtarë në qytet dhe ata më thanë atë që ju po bëni. U habita, se mendoja se ju vetëm luftoni, sipas historive që mësuesja na tregon në shkollë, por sot mësova se ju nuk jeni vetëm për atë qëllim. Pyes prindërit gjithë kohën për ju, madje këtë letër më ndihmoi mami ta shkruaj mirë, se sepse dua t’u tregoj sa xhan ju kam. Jam shumë e lumtur që mësova se tani ju do të na ndihmoi kur të kemi frikë dhe jemi në rrezik. Unë nuk i kuptoj të gjitha akoma, por e di që në vendin tonë ka shumë heroj. Jeni ju dhe të gjithë ata që ndihmuan” shkruan Klea e vogël.

  • 8:31

    Meta: Misioni gjatë tërmetit nxorri në pah profesionalizmin dhe dashurinë tuaj

    Presidenti i Shqipërisë Ilir Meta në 107-vjetorin e krijimin të Forcave të Armatosura, ka shpërndarë një video shumë interesante. Në vend të një urimi normal, Meta është fokusuar tek misioni i ushtarëve gjatë tërmetit, ku shumë prej tyre ishin në operacionet e kërkim-shpëtimit.

    Kreu i shtetit shkruan se Forcat e Armatosura në këtë 170-vjetor janë gjendur në krye të solidariteti dhe ndihmës për të prekurit nga tërmeti dhe spikatën me profesionalizmin e tyre për të shpëtuar banorët e mbetur nën rrënoja.

    POSTIMI I PLOTË

    Me konsideratat më të larta, ju shpreh sot urimet më të ngrohta të gjithë burrave dhe grave në uniformë të Forcave tona të Armatosura, me rastin e 107-vjetorit të Ushtrisë Shqiptare! Falenderim dhe mirënjohje për kontributet e vyera, përkushtimin heroik dhe sakrificat sublime për mbrojtjen e Atdheut dhe Sigurisë Kombëtare, për operacionet humanitare e paqeruajtëse, si dhe për garantimin e lirisë, paqes e stabilitetit kudo në botë, nën flamurin e NATO-s.

    Ky 107-vjetor, i gjen Forcat tona të Armatosura, në krye të solidaritetit dhe ndihmës për vëllezërit e motrat shqiptare të prekur rëndë nga pasojat e tërmetit tragjik, duke spikatur me profesionalizmin, përkushtimin dhe dashurinë për të shpëtuar banorët e mbetur nën rrënojat e kësaj fatkeqësie natyrore shkatërrimtare, që nxorri në pah dhe domosdoshmërinë e modernizimit të mëtejshëm të ushtrisë shqiptare. Zoti i bekoftë ushtarakët shqiptarë! Lavdi dëshmorëve që dhanë jetën për Atdhe dhe Flamur! 🇦🇱

Shto Koment