Akuzohet për shpërdorim detyre dhe tjetërsim prone, GJKKO lë në burg ish-kryebashkiakun e Himarës Jorgo Goro
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Miratohet në Këshillin e Sigurimit rezoluta për armëpushim të menjëhershëm në Gazë, SHBA abstenon ...
Sulmoi me sende të forta efektivin e policisë në Shkodër, identifikohet autori (EMRI) 25 Mars, 17:45 Godit...
"Nuk ka lidhje me zjarrin te urgjenca/ Flet për mediat Ministrja e Shëndetësisë Koçiu pas largimit të Ficos: Nj&...
100 vite pa Ismail Qemalin. Dita e sotme shënon 100 vite pa babain e Kombit, dhe një nga veprimtarët më të rëndësishëm të çështjes kombëtare. Themeluesi i shtetit shqiptar, Ismail Qemali ngriti flamurin e Pavarësisë së Shqipërisë më 28 nëntor 1912 dhe kryesoi Këshillin e parë të Ministrave të qeverisë Shqiptare.
Dita e sotme solli një sërë homazhe në nder të figurës së Ismail Qemalit nga politika shqiptare në Vlorë dhe Tiranë. Presidenti Ilir Meta, vuri lule tek shtatorja e Ismail Qemalit në Tiranë dhe u shpreh se dita e sotme duhet të shërbejë për të bërë të mundur plotësimin e ëndrrës europiane të shqiptarëve.
“Ju falënderoj që keni gjetur kohën për të shoqëruar këtë moment, të përuljes përpara shtatores të themeluesit të shtetit tonë modern dhe Atit të Shqipërisë, Ismail Qemalit në këtë 100-vjetor të kalimit të tij në përjetësi, për shkak të veprës së tij të ndritur që ai me shumë patriotë të tjerë realizuan më 28 Nëntor të vitit 1912! Sot është momenti jo vetëm të përkulemi përpara veprës së tij, por edhe të angazhohemi për forcimin e shtetit shqiptar për ruajtjen dhe lartësimin e simboleve tona kombëtare, por njëkohësisht edhe për përmbushjen e ëndrrës së tyre për një Shqipëri plotësisht europiane.”,- u shpreh Meta.
Homazhe për Ismail Qemalin u zhvilluan në Tiranë nga kryetari i Bashkisë Tiranë, Erion Veliaj, dhe ambasadori Italian Alberto Cutillo, që mbollën disa pemë në oborrin e gjimnazit Ismail Qemali në Tiranë. Veliaj tha se Ismail Qemali, ndryshoi fatet e një kombi.
“Nuk e di nëse do të kishim të njëjtin fat si komb apo të njëjtin përfundim si përpjekje, nëse ky njeri nuk do të ekzistonte. Këtë ndoshta nuk do ta dimë kurrë, por ajo që dimë është që: Po, një njeri mund ta ndryshojë botën. Kështu, miqtë e mi, sidomos ju që jeni më të rinj, nëse doni një provë se si një njeri mund të ndryshojë fatet e një kombi, besoj se inkurajimi më i madh është jeta e Ismail Qemalit”, -tha kryetari i Bashkisë së Tiranës.
Nderime të shumta kanë ardhur edhe nga politikanë nga Kosova ku presidenti Hashim Thaçi dhe kryeministri Ramush Haradinaj përkujtuan “Plakun e Urtë të Vlorës”. Ndërsa në Vlorë, në qytetin ku Qemali shpalli Pavarësinë të pranishëm në homazhe ishin kryetari i Kuvendit, Gramoz Ruçi, kryebashkiaku i Vlorës, Dritan Leli, deputë dhe ministrja e Kulturës, Eva Margariti e cila përcolli edhe fjalën e kryeministrit Edi Rama.
Vendimi i gjykatës së Apelit për të pranuar kërkesën e Alibeajt është: