Aktualitet

1 rrogë plus/ Shpërblimi për 11 majin acaron policët që përballuan protestat

Burime për Dosja.al, bëjnë me dije se një valë pakënaqësie është shënuar në radhët e uniformave blu, pas një vendimi të dyshes Rama-Lleshaj, për të shpërblyer me një rrogë plus të gjithë policët që ishin në punë tek protesta e 11 majit në Tiranë.
Featured image of article: 1 rrogë plus/ Shpërblimi për 11 majin acaron policët që përballuan protestat Foto ilustruese

Policia e Shtetit është angazhuar që prej janarit në mbulimin e çdo proteste që është vendosur të organizohet nga opozita e bashkuar.

Gaz, shashka, flakadanë, dhe kapsolla kanë qenë mjetet me të cilat janë përballur policët, ku nuk mungoi në 11 maj, as bombat Molotov.

Por duket se e gjitha ka nisur më 11 maj…

Burime për Dosja.al, bëjnë me dije se një valë pakënaqësie është shënuar në radhët e uniformave blu, pas një vendimi të dyshes Rama-Lleshaj, për të shpërblyer me një rrogë plus të gjithë policët që ishin në punë tek protesta e 11 majit në Tiranë.

Kjo ka sjellë acarimin e policëve të tjerë në komisariatet e Tiranës, të cilët kanë qenë në krye të detyrës në të gjitha protestat e tjera, por për ta nuk është vendosur një shpërblim kaq i majmë.

Zëra nëpër korridoret e Drejtorisë së Policisë qarkullojnë për një tjetër metodë shpërblimi, e cila konsiston në shpërndarjen e këtyre parave, për të gjithë efektivët që kanë mbuluar protestat.

Mbetet për t’u parë çfarë do të ndodhë, në kohën kur opozita edhe më 25 maj, ka paralajmëruar një tjetër protestë. A do të sjellë kjo pakënaqësi ‘demotivimin’ e bluve të Tiranës?

(F.g/dosja.al)

Shto Koment