Aktualitet

1 ditë pas zgjedhjeve të 25 prillit Shqipëria do ‘pushtohet’ nga Ushtria! Priten anije, avionë dhe sistem raketash, detajet nga stërvitja më e madhe në vend

Në stërvitjen që do të zhvillohet në vendin tonë do të marrin pjesë mijëra ushtarë të vendeve anëtare të NATO-s, 10 anije, 18 avionë, 19 helikopterë, 6 sisteme raketash patriot dhe 1000 automjete joluftarake.
Featured image of article: 1 ditë pas zgjedhjeve të 25 prillit Shqipëria do ‘pushtohet’ nga Ushtria! Priten anije, avionë dhe sistem raketash, detajet nga stërvitja më e madhe në vend Foto ilustruese

TIRANË– Një ditë pas zgjedhjeve parlamentare të 25 prillit, Shqipëria do të “pushtohet” nga trupa ushtarake. Ashtu siç edhe është paralajmëruar nga ambasadorja amerikane në Shqipëri, Yuri Kim, më 26 prill 2021 në Shqipëri dhe në të gjithë Ballkanin do të nisë stërvitja më e madhe ushtarake, ku edhe priten të zbartojnë mijëra trupa.

Gazetari Adriatik Doçi ka bërë me dije se në stërvitjen që do të zhvillohet në vendin tonë do të marrin pjesë mijëra ushtarë të vendeve anëtare të NATO-s, 10 anije, 18 avionë, 19 helikopterë, 6 sisteme raketash patriot dhe 1000 automjete joluftarake.

Megjithatë për të lejuar stërvitjen të ndodhë qeveria ka dërguar një projektligj të posaçëm për miratim në Kuvend që duhet të miratohet dhe të hyjë në fuqi para zgjedhjeve parlamentare. 

Për më shumë bëhu pjesë e grupit më viral në Facebook, Dosja.al

Strukturat dhe elementët e parë të ushtrisë amerikane do të fillojnë të zbarkojnë në Shqipëri që në fillim të muajt prill 2021, për të përgatirur infrastrukturën logjistike të stërvitjes që do të zgjasë deri më 20 qershor 2021. Bazat që do të përgatiten janë ato të garnizonit “Skënderbej”, në bazën ajrore të Farkës, në bazën ajrore të Kuçovës dhe në poligonet stërvitore të Bizës e Fekenit, si dhe në rrugëkalimet ajrore e tokësore për në këto rajone.

Në vend pritet që të zbarkojnë gjithsej 3100 efektivë, pa përfshirë trupat shqiptare, ndërsa në total do të marrin pjesë 3.1 mijë trupa ushtarake. Përveç Shqipërisë dhe Amerikës, në stërvitje do të marrin pjesë forcave aleate dhe partnere, si: Kanadaja, Bosnjë dhe Hercegovina, Kroacia, Greqia, Kosova, Mali i Zi, Maqedonia e Veriut, Britania e Madhe, Çekia, Hungaria, Rumania, Bullgaria, Gjeorgjia, Turqia etj.

(k.m./dosja.al)

Shto Koment